Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

RCC vlerësohet me Çmimin vjetor Evropian për Ballkanin Perëndimor, Bregu: Krenare për rezultatet!

Politiko 27 Tetor 2021, 11:50

RCC vlerësohet me Çmimin vjetor Evropian për Ballkanin

Këshilli i Bashkëpunimit Rajonal (RCC) është vlerësuar me Çmimin vjetor Evropian për Ballkanin Perëndimor për Kontributin në Integrimin Evropian të Rajonit, thotë "European Western Balkans".

RCC mori çmimin “për angazhimin e palëkundur për të ardhmen evropiane të rajonit, forcimin e vazhdueshëm të bashkëpunimit rajonal dhe lidhjen e rajonit duke lehtësuar Roam-Free-Ballkanin Perëndimor, si dhe promovimin parimor dhe punën për avancimin e bashkëpunimit ekonomik në Ballkani Perëndimor”.

Sekretarja e Përgjithshme e RCC-së, Majlinda Bregu, e mori çmimin në emër të kësaj organizate në një ceremoni të mbajtur në margjinat e Forumit të Sigurisë në Beograd.

“Faleminderit European Western Balkans që zgjodhët të nderoni RCC me këtë çmim. Jam e kënaqur dhe e emocionuar, sepse jo çdo ditë puna e palodhur dhe përkushtimi njihet në këtë mënyrë. Ne jemi vërtet Ballkano-perëndimor evropianë, një organizatë rajonale që ndihet krenare për arritjen e rezultateve më të prekshme për qytetarët tanë”, tha Bregu.

Bregu  shtoi se RCC punon në fushën e politikave diçka që zakonisht nuk shihet lehtë nga publiku i gjerë.

“Por, gjithçka që bëjmë ka për qëllim përmirësimin e jetës së qytetarëve të BB dhe afrimin e tyre një hap më afër njëri-tjetrit dhe me Evropën. Prandaj, ne ndihemi shumë krenarë që kemi një rol të rëndësishëm në sjelljen e Roaming Free në Ballkanin Perëndimor, ndërkohë që tani po punojmë për uljen e kostove të roaming midis BE-së dhe rajonit tonë. Dhe nuk është pika e vetme në axhendën tonë. Ka njohje reciproke të kualifikimeve profesionale dhe akademike në të gjithë rajonin, udhëtim falas për qytetarët brenda BB-së vetëm me karta identiteti, veprime mjedisore dhe ndryshimesh klimatike brenda agjendës sonë të gjelbër rajonale, dixhitalizimi i vazhdueshëm, fuqizimi i grave dhe të rinjve”, tha Bregu në ceremoninë e ndarjes së çmimeve.

Të fundit