Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Reforma në Drejtësi, Kim: Disa nuk e kanë dashur, jemi në një moment kritik; apeli i Sorecës për udhëheqësit politikë

Politiko 23 Korrik 2021, 10:49

Reforma në Drejtësi, Kim: Disa nuk e kanë dashur, jemi në

Në 5 vjetorin e Reformës në Drejtësi, ambasadorja amerikane Yuri Kim tha se Shqipëria ka bërë progres. Në një tryezë të mbledhur për këtë çështje, Kim tha se po loftohet korrupsioni dhe reforma ka nisur të japë rezultate, ndërsa theksoi se ka pasur persona që nuk kanë dashur që kjo të ndodhë.

Duke e cilësuar një moment kritik, kryediplomatja amerikane tha se ka ende shumë për të bërë. Ajo nënvizoi se SHBA po e monitoron punën e institucioneve të drejtësisë për të jetëzuar reformën. Yuri Kim shtoi se është koha që në Shqipëri të mbizotërojë drejtësia, ndërsa shprehu mbështetjen e SHBA-së, duke nisur nga administrata Obama e deri te Biden.

"Shqipëria ka bërë progrese dhe qytetarët po shohin rezultatet e këtyre përpjekjeve. Institucionet janë tashmë funksionale. Askush nuk është mbi ligjin. Po luftohet korrupsioni. Disa nuk kanë dashur që kjo të ndodhë. Duhet të vazhdojë puna për të ndaluar korrupsionin.

Keni bërë një punë të mirë por duhet ende shumë punë për të bërë. Është një moment kritik. SHBA ju mbështet dhe dëshiron të shohë punën tuaj në vijim. E kemi mbështetur reformën në drejtësi që në fillim dhe do jemi me ju deri në fund. Dua të theksoj se përpjekje për reformën në drejtësi kanë filluar që në administratën e Obamës dhe vazhdon edhe sot nga Biden”, u shpreh Kim.

Ndërsa ambasdori i BE-se, Luigi Soreca kërkoi nag udhëheqësit politikë që të tregojnë për shumë lidership në mënyrë që redorma të ketë sukses. Duke theksuar rëndësinë e saj, ai tha se objektivi i viteve të ardhshme është zbatimi në mënyrën e duhur të kësaj reforme. Soreca bëri thirrje që të luftohet korrupsioni dhe që të punohet për një sistem drejtësie në nivele europiane.

“Është e rëndësishme të kërkohet më shumë lidership nga i gjithë spektri politik, në mënyrë që reforma në drejtësi të ketë sukses. Vijimi i kësaj reforme është një ndër prioritetet kryesore, që të ecet përpara në mënyrë efikase. Pavarësia, integriteti i Reformës në Drejtësi është shumë i rëndësishëm.

Objektivi kryesor për vitet e ardhshme është që të punohet fort, në mënyrë që të zbatohet kjo reformë siç duhet. Do të kërkohet përgjegjshmëri për përfshirjen në zbatimin e reformës në drejtësi. Bazat ligjore të jenë në vend, korniza ligjore po ashtu të jetë në vendin e duhur, të luftohet korrupsioni. Sistemi duhet të jetë në përputhje me standardet evropiane”, tha ambasadori.