Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Refuzon ‘Ballkanin e Hapur’, Milo në ‘Politiko’: Kosova nuk duhet të vazhdojë të rrijë mënjanë, humbet më shumë

Politiko 28 Qershor 2022, 22:08

Refuzon ‘Ballkanin e Hapur’, Milo në ‘Politiko’:

Ish ministri i Jashtëm, Paskal Milo ka mbajtur një qëndrim kritik sa i takon pozicionit të Kosovës në raport me nismën ‘Ballkani i Hapur’.

Në një intervistë në emisionin ‘Politiko’, Milo thotë se Kosova nuk duhet të qëndrojë jashte kësaj nisme, sepse sipas tij humbet më shumë.

Ai shton se nismën e përbëjnë 4 liritë evropiane përmes të cilave do shkojmë në BE.

“Reflektim i të shkuarës që nuk mund të shkulet nga e tashmja dhe mund të pengojë të ardhmen. Ndaj janë politikanët. Isha skeptik për të ardhmen e nismës, më pas e analizova. Duke u mbështetur në faktin se themelet e nismës e përbëjnë 4 liritë evropiane përmes të cilave ne do shkojmë në BE reflektova dhe cfarë të keqe ka nëse krijohen disa lehtësira për qarkullimin e njerëzve kapitaleve tregtinë, janë liri pjesë përbërëse e veprimtarisë së BE.

Ne duhet të ç’armatosemi nga një psikologji disfatiste dhe nihiliste që kemi në raportet në Ballkan. Kosova nuk duhet të vazhdojë të rrijë mënjanë sepse humbet më shumë duke ndenjur jashtë se duke qenë brenda në tavolinën e Ballkanit të hapur e përdor për të folur e për të shfrytëzojë aq sa mundet. Më mirë të mbajë qëndrime kritike.

Në nismat rajonale ka mbivendosje, edhe në këtë rast kështu ndodh. Procesi i Berlinit nëse rimerret me seriozitetin që nisi se rrugës ra, është shumë pozitiv. Duke pasur disa nisma rajonale pse duhet të mungosh edhe në një nismë tjetër. Te tjerat është Serbia dhe këtu ngrihet? Duke se është një paragjykim se Serbia nuk e ç’bën dot Kosovën pavarësisht nëse  e njeh apo jo zyrtarisht se janë 150 vende të botës që e njohin.

Serbia s’ka fuqi për ta dëmtuar Kosovën sa mund ti mohojë ekzistencën, se pas saj qëndrojnë SHBA, BE dhe NATO”, u shpreh Milo në ‘Politiko’.

I pyetur nëse ndikon Rusia në nismën ‘Ballkani i Hapur’, Milo thotë se ajo thjeshtë po bën lojën e vet diplomatike dhe synon të përçajë vendet e Ballkanit Perëndimor.

“Rusia nuk ka interes të vecantë te nisma por bën vec lojën e vet për të përçarë vendet e Ballkanit Perëndimor. Ka një vështrim gjeo politik më të gjerë. Ballkanin Perëndimor e sheh si ta shfrytëzojë për Krimenë dhe Ukrainën. Nuk duhet marrë seriozisht , është lojë diplomatike”, u shpreh Milo.

Të fundit