Flash News

I shoqëruar nga familja, Berisha voton në QV-në e shkollës “Kosova”

Finiq/ Mosparaqitja e komisionerëve bllokon votimin, policia niset për t’i marrë

Probleme edhe në Shijak/ Pajisja biometrike nuk njeh shenjat e gishtërinjve të votuesve

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

E-TJERA

Rekord aplikimesh/ 45.5% më shumë shqiptarë kanë kërkuar vizë në Britaninë e Madhe për 2022-shin

Politiko 19 Mars 2023, 11:33

Rekord aplikimesh/ 45.5% më shumë shqiptarë kanë

Të patën 36 760 shqiptarë kanë aplikuar për një vizë në Britaninë e Madhe për vitin 2022, shifër që përbën numrin më të lartë të të gjithë periudhës 2005-2022 të marrë në shqyrtim. 45.5% më shumë qytetarë shqiptarë kanë aplikuar në MB për vizë në vitin 2022 krahasuar me vitin 2021.

Të dhënat e marra nga Zyra e Statistikave Kombëtare në Mbretërinë e Bashkuar, të përpunuara nga Open Data Albania, tregojnë se pas vitit 2014 tendenca vjen në rritje të vazhdueshme, përjashtuar vitin 2020.

Bëhet fjalë për aplikime që lidhen me viza për bashkim familjar, për studime, për punë, për biznes, për vizitë, etj. Për 18 vite (2005-2022) janë aprovuar viza nga Mbretëria e Bashkuar për 154 759 aplikantë shqiptarë.

Në vitin 2022 janë dhëne 25 688 viza për shqiptarët nga Republika e Shqipërisë, që është më shumë se çdo vit tjetër. Ndërkohë, 13 141 aplikantë kanë marrë përgjigje negative për vizë nga Mbretëria e Bashkuar dhe 148 persona janë tërhequr vetë nga aplikimi.

Norma e aprovimit ndër vite është luhatur midis intervalit 61-77% për shqiptarët. Për vitin 2022 norma e aprovimit të vizave nga Mbretëria e Bashkuar për shqiptarët është 66%, me rritje me 1 pikë përqindje nga viti i kaluar. Ecuria ndër vite tregon që 7 në 10 qytetarë shqiptarë që aplikojnë për vizë Britanike marrin përgjigje pozitive.

Në pesëvjeçarin 2018-2022, Mbretëria e Bashkuar ka aprovuar viza për 69 895 qytetarë shqiptarë. Refuzim vize gjatë kësaj periudhe u është bërë 33 389 qytetarëve shqiptarë, ndërkohë që 479 qytetarë kanë tërhequr aplikimin e tyre.

Duke mbledhur bashkë Aplikime të Aprovuara dhe Refuzuara për Vizë, rezulton që Shqipëria është vendi i 20-të në botë me numrin më të lartë të aplikimeve për viza në Mbretërinë e Bashkuar gjatë 2018-2022. Përsa i takon vetëm vizave të aprovuara, Shqipëria është e 21-ta në botë, për numrin më të lartë.

Shqipëria është shteti i 10-të me numrin më të lartë të vizave të refuzuara nga Mbretëria e Bashkuar gjatë pesëvjeçarit 2018-2022.

 

Rekord aplikimesh/ 45.5% më shumë shqiptarë kanë Rekord aplikimesh/ 45.5% më shumë shqiptarë kanë

Të fundit