Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Rekord kombëtar në 5 km rrugë, atletja Luiza Gega shkëlqen në eventin prestigjioz të Lilës

Politiko 19 Mars 2023, 21:18

Rekord kombëtar në 5 km rrugë, atletja Luiza Gega shkëlqen

Atletja Luiza Gega vazhdon serinë e paraqitjeve të shkëlqyera pasi ka shënuar një tjetër rezultat të madh. Kampionia kuqezi ka vendosur sot një rekord të ri kombëtar në garën e 5 km rrugë. Ajo fiksoi kohën 15:16 në eventin prestigjioz “Semi Marathon”, që u mbajt në qytetin Lilë, të Francës.

Ky ishte një përmirësim me 23 sekonda të rekordit të mëparshëm që ishte 15:39. Për vetëm 2 minuta, Gega do të kishte thyer rekordin ballkanik të kësaj kategorie.

 Me kohën 15:16 Gega u klasifikua në vend të shtatë në Lilë, por vlen për tu theksuar se ky rezultat ishte më i miri i arritur nga sportistet evropiane në një aktivitet që pa të konkurronin atletet më të mira të botës.

Vendi i parë në Lilë i takoi kenianes Caroline Nayaga me rezultatin 14:35, ndërsa podiumi i plotësua nga etiopiania Mekedis Abebe dhe keniania tjetër Doris Lengole Cherop.

Kështu Luiza e nis sezonin në mënyrë shumë të mirë, duke stampuar rekordin e radhës, por mbi të gjitha duke vazhduar trendin disavjeçar të rezultateve në rritje.

Kujtojmë se plot 12 rekorde kombëtare mbajnë firmën e Luiza Gegës në disiplina të ndryshme të atletikës, duke nisur nga distancat e mesme deri te të gjatat (800m, 1500m, 2000m/p, 3000m, 3000m/p, 5000m, 10000m, gjysmë maratonë, maratonë, 800m “indoor”, 1500m “indoor”, 3000m “indoor”)

Luiza Gega mban gjithashtu rekordin e Kampionatit Europian në 3000 metra me pengesa, ashtu sikurse rekordin e Lojërave Mesdhetare në të njëjtën disiplinë, pa harruar edhe rekordin e Kampionatit Ballkanik në 3000 metra “indoor”.

 

Të fundit