Flash News

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

E-TJERA

Rekord me taksën e infrastrukturës, bashkia Tiranë arkëtoi 7.4 miliardë lekë nga ndërtimet e reja

Politiko 4 Qershor 2023, 16:14

Rekord me taksën e infrastrukturës, bashkia Tiranë arkëtoi

Në 17 vite Bashkia Tiranë ka mbledhur nga taksa e Infrastrukturës për ndërtime të reja 42 miliard lekë. Arkëtimet nga kjo taksë kanë shënuar rritje pas vitit 2016. Në 2022 nga kjo taksë Bashkia më e madhe në vend arkëtoi 7.4 miliard lekë.

Sipas të dhënave të marra nga Open Data Albania, në vitin 2021 arkëtimi i taksës arriti maksimumin në 7.438 miliard lekë, nivel i ngjashëm llogaritet edhe në 2022.

Të ardhurat e mbledhura nga Bashkia Tiranë nga taksa e ndikimit në infrastrukturë nga ndërtimet e reja kanë tejkalim plani në vitet 2016-2022. Realizimi i të ardhurave nga kjo taksë për vitin 2022 ka qenë në masën 154.5%, ku Bashkia Tiranë planifikonte 4.8 miliard lekë ndërsa faktikisht u arkëtuan 7.4 miliard lekë.

Rekord me taksën e infrastrukturës, bashkia Tiranë arkëtoi

Taksa e ndikimit në infrastrukturë nga ndërtimet e reja është burimi kryesor i të ardhurave për Bashkinë Tiranë. Për vitin 2022, të ardhurat nga kjo taksë përbëjnë 41% të të ardhurave të Bashkisë nga taksat dhe tarifat (pra nga të ardhurat totale të bashkisë janë hequr transfertat e qeverisë dhe mbartjet). Pesha specifike e kësaj takse në totalin e të ardhurave ka ardhur në rritje në vitet 2017, 2018 dhe 2019, duke arritur maksimumin në 43.9% e totalit të të ardhurave (pa transferta dhe pa mbartje).

Duke bërë një llogaritje të të ardhurave të grumbulluara për frymë nga taksa e ndikimit në infrastrukturë nga ndërtimet e reja, ndër vite rezulton se në vitin 2022, janë mbledhur të ardhura 8 584 lekë për frymë. Pra për çdo banor të Tiranës Bashkia ka arkëtuar vetëm si taksë infrastrukturë 8 584 Lekë.

Në total për 5 vitet e fundit (2018-2022) të ardhurat për frymë nga kjo taksë janë 38 112 lekë, ndërsa për dhjetëvjeçarin 2013-2022, janë 45 482 lekë për frymë. Po kaq bashkia do të duhej të kishte investuar drejtpërdrejt në infrastrukturë.

Rekord me taksën e infrastrukturës, bashkia Tiranë arkëtoi

Të fundit