Flash News

E-TJERA

Rekordi i viktimave dhe infektimeve s'ndal ‘Shëndetësinë’ të rikthejë punimet në Kuvend, Politiko zbardh vendimin: Urdhri s'e cenon aktivitetin e seancës   

Rekordi i viktimave dhe infektimeve s'ndal

Këtë të enjte, në 26 nëntor rikthehen punimet në Kuvendin e Shqipërisë.

Javës që shkoi, seanca e parashikuar u anulua për shkak të masave të reja që ndërmori Komiteti Teknik i Ekspertëve, në sajë të parandalimit të përhapjes së Covid-19.

Vendimi i ri parashikonte që:

1.    Të ndalohen grumbullimet me më shumë se 10 persona në vende të hapura dhe të mbyllura.

2.    Të ndalohen mbledhjet partiake dhe tubimet.

3.    Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë.

Në kushte të tilla, u ‘prek’ edhe Kuvendi, ndaj anuloi seancës e javës që shkoi në pritje të n jë urdhri të dytë nga ministria e Shëndetësisë.

Politiko.al siguron këtë urdhër me firmë të zv.ministres së Shëndetësisë, Mira Rakacolli, që parashikon rikthimin e seancave. Sipas këtij vendimi, urdhri “Për ndalimin e grumbullimeve në vende të mbyllura apo të hapura” nuk cenon aktivitetin e Kuvendit për zhvillimin e seancave plenare.

Rekordi i viktimave dhe infektimeve s'ndal

Ndërkohë, një ditë më parë i njëjti Komitet, konfirmoi mbylljen e universiteteve për të paktën edhe për një muaj tjetër.

Nga ana tjetër, spitalet po përballen me një numër në rritje të rasteve me covid-19, si dhe humbjeve të jetëve.

Vetëm sot (24 nëntor) u shënuan 19 viktima dhe 744 të infektuar në 24 orët e fundit.  

Ende nuk ka detaje për mënyrën e zhvillimit të senacnës plenare, por në njoftimin e kreut të Kuvendit në një nga pikat theksohet se ‘ngarkohet sekretari i përgjithshëm për marrjen e masave për parandalimin e përhapjes së infeksionit në seancat plenare.

Ditari politik

Të fundit