Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Renditja e ‘Global Finance’: Kosova, më e varfra në rajon, pas saj vjen Shqipëria
Revista ‘Global Finance’ ka publikuar renditjen e shteteve nga më i pasuri tek më i varfri në botë për vitin 2022. Nga të dhënat, rezulton se Kosova dhe Shqipëria renditen si vendet më të varfra të rajonit.
Shifrat të cilat i referohen Fondit Monetar Ndërkombëtar (FMN) në publikimin “Prespektiva Ekonomike Botërore, Prill 2022”, tregojnë se Kosova është vendi më i varfër i rajonit duke u renditur e 105-ta në botë, me 13,964 dollarë të ardhura për banor.
Pas Kosovës, vjen Shqipëria e 90-ta mes 192 vendeve të botës me 17,383 dollarë për frymë. Më pas vjen Serbia në vendin e 72-të dhe Maqedonia e Veriut e renditur në vend 78-të. Kurse Bosnje Hercegovina qëndron në vend të 88-të me 17,471 dollarë për frymë.
Vendi më i pasur në botë sipas renditjes, është Luksemburgu me PBB për frymë bazuar në fuqinë blerëse deri në 140,694 dollarë. Luksemburgu pasohet nga Singapori, i ndjekur nga Irlanda dhe Katari.
Vendet me PBB-në më të madhe janë edhe Shtetet e Bashkuara, Kina, Japonia , Gjermani. Ndërsa në fund të listës qëndrojnë shtete si: Burundi, Sudani i Jugut, Somalia, Nigeria, Republika e Kongos dhe vende të tjera afrikane.