Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rënia e euros ‘fundos’ eksportet, bien me 17.3% në qershor

Politiko 17 Korrik 2023, 20:04

Rënia e euros dhe çmimet më të lira të produkteve në bursat ndërkombëtare, po sjellin humbje të mëdha për eksportuesit. Për të katërtin muaj radhazi, eksportet kanë shënuar rënie.

Sipas shifrave të INSTAT, në Qershor 2023 eksportet e mallrave arritën vlerën 38 miliardë lekë, duke u ulur me -17,3 %, në krahasim me të njëjtën periudhë të një viti më parë dhe me -4,0 %. Importet e mallrave arritën vlerën 75 mld lekë, duke u ulur me -7,5 %, në krahasim me një vit më parë dhe me -6,8 %, në krahasim me Maj 2023.

Sipas INSTAT, gjatë muajit Qershor 2023, në uljen e eksporteve prej -17,3 %, kanë ndikuar grupet: “Materiale ndërtimi dhe metale” me -9,7 pikë përqindje, “Minerale, lëndë djegëse, energji elektrike” me -4,5 pikë përqindje, “Produkte kimike dhe plastike” me -4,4 pikë përqindje, etj. Ndërsa, pozitivisht ka ndikuar grupi: “Ushqime, pije, duhan” me +4,6 pikë përqindje.

Eksportet, gjatë këtij gjashtëmujori janë ulur me -7,4%, krahasuar me një vit më parë. Grupet që kanë ndikuar negativisht në uljen vjetore të eksporteve, janë: “Materiale ndërtimi dhe metale” me -6,8 pikë përqindje, “Minerale, lëndë djegëse, energji elektrike” me -2,2 pikë përqindje, “Produkte kimike dhe plastike” me -1,0 pikë përqindje, etj. Ndërsa, pozitivisht kanë ndikuar grupet: “Ushqime, pije, duhan” me +2,1 pikë përqindje dhe “Makineri, pajisje dhe pjesë këmbimi” me +0,8 pikë përqindje.

Ecuria e eksporteve me vendet partnere

Uljen më të madhe të eksporteve përgjatë muajit Qershor 2023, Shqipëria e ka pasur me Italinë (9.4%), e pasuar nga Greqia (40,7 %) dhe Spanja (47,9 %). Ndërsa, vendet me të cilat eksportet kanë pasur rritje më të madhe, janë: Zvicra (34,8 %), Kina (10,1 %) dhe Ukraina (63,0 %).

Gjatë këtij gjashtëmujori vendet me të cilat Shqipëria ka pasur ulje më të madhe të eksporteve, në krahasim me një vit më parë, janë: Italia (10,6 %), Gjermania (30,3 %) dhe SHBA (57,8 %). Ndërsa, vendi me të cilin eksportet kanë pasur rritjen më të madhe, është: Spanja (67,0 %), Greqia (16,1 %) dhe Maqedonia (12,4 %).

Në muajin Qershor 2023, vendet me të cilat Shqipëria ka pasur uljen më të madhe te importeve, janë: Italia (6,4 %), Kosova (46,5 %) dhe Rusia (77,3 %). Ndërsa, vendet me të cilat importet kanë pasur rritjen më të madhe të importeve, në krahasim me Qershor 2022 janë: Kina (50,6 %), Gjermania (15,2 %) dhe SHBA(48,8 %).