Replikat/ Buxhuku ia thotë në sy gabimet e qeverisë, Rama: S’ka kontrabandë te karburantet

Gjatë takimit që zhvillloi me përfaqësuesit e biznesit, kryeministri Edi Rama ka shkëmbyer replika me kreun e Konfindustrisë, Gjergji Buxhukun.

Ky i fundit i kërkoi Ramës që të frenojë kontrabandën e karburantit, duke nënvizuar se është në nivele masive. Buxhuku i shprehu Ramës rezervat e tij për menaxhimin e kriznës.

Nga ana tjetër, Rama e ka kundërshtuar, duke e konsideruar të pavërtetë kontrabandën e karburantit. Kjo ka shkaktuar replika, ndërsa Buxhuku insistoi për t’ia thënë në sy Ramës “gabimet” e qeverisë.

Replikat Rama-Buxhuku

Gjergj Buxhuku: Janë të gjitha mundësitë që duke mënjanuar kontrabandën masive, ulja e çmimeve të përballohet por të dalim edhe plus. Mjafton të luftohet kontrabanda masive në karburant. I kemi mundësitë. Duhet të ishte punuar më shpejt sepse kriza u shpall para një viti, që ne duke qenë se jemi të pavarur nga tregjet ndërkombëtare të energjisë, jo vetëm të përballonin por nëse do ishim të aftë mund të kishim fituar epërsi strategjike.

Edi Rama: Kjo është një gjë që e dëgjoj shpesh por nuk ka asnjë bazë.

Gjergj Buxhuku: Kjo është një temë e gjatë dhe unë mund të jap një përgjigje. Sistemi energjetik shqiptar ka kapacitete më shumë se konsumojmë.

Edi Rama: Kjo është e pavërtetë. I dashur ky nuk është opinion.

Gjergj Buxhuku: Kjo ishte njëri argument. I dyti është fakti i menaxhimit të sistemit ka problematika. Duke filluar nga viti 2021 ju e keni të qartë që problematikat janë të mëdha

Edi Rama: Unë kam të qartë një gjë të tjerët që falë menaxhimit të sistemit po e përballojmë goditjen.

Gjergj Buxhuku: Ka shumë folklor në këtë temë dhe shumë paqartë dhe mjergull si rezultat i folklorit. Shqipëria nuk prodhon edhe në vitin e saj më të mirë. Sepse nuk ka mundësi ta prodhojë të gjithë energjinë që konsumon. Shqipëria nuk është e pavarur në burimet energjetike.