Flash News

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

E-TJERA

Resuli: Shqipëria klasifikohet tek vendet e treta, nëse hyjmë në Europë do jemi “si të njerkës”

Politiko 23 Maj 2025, 10:06

Resuli: Shqipëria klasifikohet tek vendet e treta, nëse hyjmë

Ervin Resuli, Presidenti i Urdhrit të Mjekut Veterinar ka komentuar ashpër qasjen e qeverisë shqiptare ndaj procesit të integrimit europian, duke ngritur shqetësime serioze për mungesën e vizionit dhe përfitimeve konkrete për qytetarët dhe bizneset.

Në një deklaratë të drejtpërdrejtë dhe pa dorashka, Resuli thekson se Shqipëria rrezikon të integrohet vetëm politikisht në BE, ndërkohë që nuk do të përfitojë asgjë në aspektin ekonomik, bujqësor apo të standardeve të jetesës.

Ai kritikon vonesat dhe paaftësinë e qeverisë për të reflektuar pas samiteve të rëndësishme dhe për të mbrojtur interesin e fermerëve dhe sektorëve prodhues.

“E theksoj dhe një herë që integrimi apo qasja drejt BE apo hapja drejt e një tregu ekonomik, në fund të ditës ne na duhet integrimi në BE për të zgjedhur tregjet për bizneset dhe për kompani që punësojnë njerëz e sjellin të ardhura në Shqipëri.

Në të kundërt nuk ka se çfarë na duhet BE nëse ne po hyjmë me vonesë apo me lëvizje të lira, ata të cilët kanë nevojë apo duhet të hyjnë drejt BE do e gjejnë zgjidhjen në një formë ose tjetër. Qasja dhe themeli i unionit europian së pari ka qenë në aspektin ekonomik, pra vendet të kenë ekonomi të lidhura apo të gjejnë tregje në këtë aspekt.

Qeveritë tona në Shqipëri nuk e kanë reagimin aq të shpejtë, pra që pas këtij samiti të ketë një pasqyrim të situatës. Ajo që dua të theksoj është se Shqipërisë do i duhen shumë vite, dhe ajo që unë shpresoj që të mos ndodhë në raport mes Shqipërisë e BE të paktën në 4-5 vitet e ardhshme është që ne të integrohemi politikisht në familjen europiane e ne nga ana tjetër të mos përfitojmë asgjë nga Bashkimi Europian në kuadrin e rritjes së standardeve apo përafrimeve të niveleve të bizneseve prodhuese.

Nuk përjashtohet mundësia që brenda 5 viteve të ardhshme vendi ynë të futet në parim në BE, por kjo do jetë një kosto për vetë qytetarët pasi ka një procedurë që thotë se në momentin që bëhemi pjesë e BE, nuk ka më para drejt Shqipërisë dhe mos tërheqja e veshit të qeverisë shqiptare mbi BE sa i përket fondeve të blegtorisë është në kuadrin e kësaj vazhde ku realisht ka një kosto të madhe për qytetarët dhe bizneset.

Pra Shqipëria mund të pranohet politikisht në BE, por asaj nuk do i ofrohet më asnjë lloj mbështetje financiare në rastin konkret, në aspektin e sigurisë ushqimore apo fermave blegtorale me atë të BE“, tha Resuli per Syri tv.