Rezoluta e tretë më e ashpër/ IDU: Të krijohet qeveri teknike për zgjedhje të lira, gjyqësori të jetë i paanshëm

Miratohet një tjetër rezolutë në mbështetje të opozitës shqiptare. 

Unioni Internacional Demokratik (IDU) i përbërë nga 84 organizata nga 65 shtete të botës, ka miratuar me votë unanime rezolutën që kërkon reforma të rëndësishme për forcimin e demokracisë në Shqipëri. 

Kërkesat e IDU-së për Shqipërinë, ku anëtarët kryesorë të saj janë partia republikane amerikane dhe konservatorët britanikë, përfshijnë ndalimin e persekutimit politik kundër udhëheqësve të opozitës, duke siguruar një mjedis të drejtë dhe të hapur për fushata pa frikë nga ndjekjet politike.

Sipas IDU, me afrimin e zgjedhjeve të vitit 2025, shtypja politike po intensifikohet, duke u shoqëruar me gjyqe të motivuara politikisht, arrestime dhe burgosje të liderëve të opozitës si Sali Berisha, Ilir Meta, Fatmir Mediu, Ervin Salianji dhe Fredi Beleri.

Sakaq, IDU kërkon t’i jepet fund persekutimit politik kundër liderëve të opozitës, zgjedhje të lira dhe të ndershme, krijimin e një qeverie kujdestare, të modeluar sipas Maqedonisë së Veriut, për të siguruar zgjedhje të lira dhe të ndershme etj. 

Rezolutë për Shqipërinë

Rezolutë e propozuar nga Partia Demokratike e Shqipërisë dhe Partia Republikane në Mbledhjen Ekzekutive të IDU-së,

6 Dhjetor në Washington D.C.

DUKE QENË SE IDU mbron fuqimisht shtetin e së drejtës dhe integritetin institucional si themele tw demokracisë. Në 12 vite qeverisje socialiste nw Shqipëri, kanë përqendruar pushtetin në duart e njw personi, duke i reduktuar zgjedhjet në një fasadë. Liderët e opozitës, deputetët dhe zyrtarët vendorë përballen me persekutim politik, burgosje dhe kërcënime, njwjtw si regjimet autoritare nw Bjellorusi dhe Tunizi.

DUKE QENË SE korrupsioni i shfrenuar dhe lidhjet mes krimit të organizuar dhe drejtuesve të Partisë Socialiste, tw zbuluara nga autoritetet belge, janë alarmante. Kartelët e drogës shfrytëzojnë Shqipërinë për pastrim parash, duke ndërlidhur shtetin me grupet kriminale. Përgjimet zbulojnë bashkëpunimin midis zyrtarëve të qeverisë dhe rrjeteve kriminale për të manipuluar zgjedhjet, emërimet nw postet kyçe dhe frikësuar votuesit.

DUKE QENË SE pavarësisht rekomandimeve të OSBE/ODIHR, maxhoranca socialiste nën kryeministrin Rama ka dështuar të trajtojë abuzimet elektorale dhe ka ndryshuar në mënyrë të njëanshme kushtetutën për të dobësuar opozitën. Me afrimin e zgjedhjeve të vitit 2025, represioni politik po përshkallëzohet, duke shwnuar gjykime, arrestime dhe burgosje të motivuara politikisht të liderëve të opozitës si Prof. Dr. Sali Berisha, Ilir Meta, Fatmir Mediu, Ervin Salianji dhe Fredi Beleri.

Vendimi i Gjykatës së Posaçme më 27 nëntor 2024 për të revokuar arrestimin e z. Berisha I cili erdhi menjwherw pasi Gjykata Europiane për të Drejtat e Njeriut drejtoi pyetjet palëve për shkeljet në rastin e tij, evidentoi një gjyqësor të komprometuar nga ndikimi socialist, i cili është kthyer në një mjet për të shtypur opozitën dhe për të manipuluar zgjedhjet. Paralajmërimet e Komisionit të Venecias për reformën nw drejtwsi, tw kapur nga partia në pushtet, janë materializuar nën drejtimin e Ramës, duke kërcënuar stabilitetin demokratik të Shqipërisë.

IDU kërkon:

1.   Dhwnien fund tw persekutimit politik ndaj liderëve të opozitës, dhe sigurimi i një mjedisi të lirw e tw ndershwm për të gjithë aktorët politikë nw mwnyrw qw tw bwjnw fushatw pa asnjë persekutim politik.

2.   Garantimin e shtetit të së drejtës dhe integritetit institucional si themele të një shoqërie demokratike.

3.   Një sistem gjyqësor të paanshëm dhe të lirë nga ndërhyrjet politike.

4.   Intensifikimin e luftës kundër krimit të organizuar, trafikimit të drogës dhe pastrimit të parave, duke siguruar që veprimet të mbeten të paanshme duke mos targetuar opozitën.

5.   Zgjedhje të lira dhe të ndershme që garantojnë pavarësinë e administratës publike nga partia në pushtet.

6.   Krijimin e një qeverie kujdestare, sipas modelit të Maqedonisë së Veriut, për të siguruar zgjedhje të lira dhe të ndershme.

IDU konfirmon mbështetjen për anëtarësimin e Shqipërisë në BE, zgjedhjet e lira dhe rolin kyc të opozitës në rikthimin e demokracisë. IDU do të monitorojë nga afër zhvillimet dhe do të mbështesë aspiratat demokratike dhe europiane të Shqipërisë.

Më herët janë miratuar nga Partia Popullore Evropiane (PPE) një tjetër rezolutë për Shqipërinë të propozuar nga Partia Demokratike, për gjendjen aktuale të Shqipërisë. Në argumentet e paraqitura, PPE shpreh shqetësime lidhur me korrupsionin dhe mungesën e zgjedhjeve, mungesën e dialogut mes palëve politike, lidhjet mes trafikut të drogës dhe krimit të organizuar.

Po ashtu, Internacionalja e Qendrës Demokrate, organizata që grupon sëbashku 108 parti politike nga të gjitha kontinentet,  ka miratuar rezoluten më e fuqishme kundër regjimit në Shqipëri, e cila shprehu  nevojë për një sistem drejtësie të paanshëm.