Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rikthehet historia e Alvin Berishës, i ati: Presim operacionin në këmbë; kur i përmend luftën ose nënën mbyllet

Politiko 27 Tetor 2020, 14:47
Rikthehet historia e Alvin Berishës, i ati: Presim operacionin në
Afrim dhe Alvin Berisha

Riatdhesimi i 5 personave të bllokuar në kampin e ferrit, në Al-Hol, na sjell në vëmendje historinë e Alvin Berisha, të miturit që pak muaj më parë ia doli të fitonte lirinë.

Tashmë 12 vjeç, Alvini shihet të ketë ndryshuar shumë fizikisht, mirëpo si është gjendja e tij shëndetësore që pas rikthimit në gjirin e familjes?  Babai i tij, Afrim Berisha, ka treguar për gjendjen shëndetësore dhe psikologjike të të birit.

Ai tha se e vetmja ndërhyrje që pritet është ajo në këmbë për rikthimin e plotë të funksionit të gjymtyrës por edhe një operacion plastik për të zhdukur plagë, që i hapin plagë të tjera djalit 12-vjeçar. Afrimi tha ndër të tjera se ish-bashkëshortja mund të jetë gjallë.

“Unë kam informacione që bashkëshortja ime ka mundësi të jetë në jetë. Alvini është mirë vetëm se ka shumë plag, ai nuk vrapon dot, ecën shumë ngadalë. Pa u bërë ndërhyrja nuk ka përmirësim. Tani është shtyrë për shkak të COVID. Kam folur me një spital në Bologna që është enkas më ndërhyrje të tilla për muskujt. Kam folur që t’i bëhet dhe një ndërhyrje plastike që të mos i shohë plagët.

Operacioni do kryhet por vetëm operacioni plastik kushton dhe tani do presim”, tregoi ai për emisionin "Me Zemër të Hapur".

Afrim Berisha rrëfeu dhe një pjesë të vuajtjeve të tij për të gjetur të birin. Ai tha se ka qenë 7 herë në Siri por se sa herë shkonte ish-bashkëshortja ia largonte djalin.

“Për jetën në Siri ai thotë që vitin e parë kemi qenë mirë. Unë kam qenë 7 herë në Siri e kam gjetur banesën ku ishte Alvini por nuk e gjeja Alvinin atje sepse e largonte e ëma e Alvinit. Alvini më ka thënë që ‘unë e kam ditur që ti ishe atje por mami më merrte e çonte në një shtëpi tjetër’.

Ishte gabimi im sepse unë e lajmëroja të atin e ish-bashkëshortes dhe ai ka lajmëruar vajzën e vet që mos ta merrja. Unë e dija shumë mirë që ishte gjallë. Kam ndenjur me muaj, më kanë kapur, më kanë torturuar për 3 muaj dhe ishin shqiptarë, flisnin shqip. Unë kam kaluar për 5 vite, nuk e di, nuk kam ngrënë bukë tamam. 5 vite nuk kam ndaluar. Vuajtjet dihen. Kam ndenjur atje, më kanë kapur të ISIS por vazhdimisht me shokë jam larguar”, deklaroi ai.

Të fundit