Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Rilindja i çoi 500 mln euro në xhepat e oligarkëve”, Mjeku: Shëndetësia ka nevojë për reformë të thellë

Politiko 16 Janar 2024, 10:03

Mjeku Erion Dasho, i cili jeton në Gjermani dhe drejton punën në fushën e Shëndetësisë Dixhitale dhe Inovacioneve me bashkëpunime në mbarë botën, komentoi të dhënat më të fundit të OBSH mbi Shqipërinë, faktin që jo Buxheti i Shtetit, por shqiptarët vetë paguajnë 60% të shpenzimeve për kujdes shëndetësor.

“Pandemia thjesht tregoi “fytyrën” e vërtetë të shëndetësisë së kësaj qeverie të Rilindjes. Pra, gjatë dhjetë viteve të Rilindjes, shëndetësia ka bërë vetëm poshtë e më poshtë; nuk ka pasur asnjë kujdes për shëndetin dhe jetën e qytetarit. Të gjithë ne jemi dëshmitarë se i vetmi kujdes për Rilindjen janë xhepat e oligarkëve, sepse nëpërmjet atyre katër koncesioneve famëkeqe tashmë janë rreth 500 milionë euro që i transferon drejt xhepave të oligarkëve duke blerë shërbime me çmime të fryra, siç i ka konstatuar Kontrolli i Lartë i Shtetit, siç po i verifikon tani edhe Prokuroria dhe pothuajse të gjitha koncesionet janë në ndjekje ligjore për momentin.

Por ana tjetër, më tepër se xhepat e shqiptarëve, kanë dëmtuar shëndetin e tyre: janë rreth 200 milionë euro që u shpenzuan nga xhepi gjatë pandemisë. 100 milionë vetëm në spitalet private, që kanë përfituar gjatë kësaj kohe e të mos harrojmë kurimin në shtëpi, kurimet jashtë shtetit...Të mos harrojmë “Tiret”, pastaj, që arriti edhe që sanitaret të bëheshin milionere gjatë pandemisë.

Pra, kemi një situatë katastrofike, të cilën pandemia e vuri në dukje, por që ishte një situatë që kishte dhjetë vjet që përkeqësohej, sepse në këto dhjetë vjet nuk është bërë asnjë reformë. Shëndetësia shqiptare ka nevojë për reformë të thellë që të prekë të gjithë elementët e funksionimit të saj: të prekë menaxhimin, duke futur autonominë spitalore, e cila tashmë bërë barsaletë me Rilindjen se në çdo fushatë elektoralë premtohet autonomia dhe pastaj nuk bëhet asgjë; është premtuar autonomia që me ardhjen në pushtet bashkë me shëndetësinë falas.

Në vend që të bëhen reforma strukturore, krijohen operatorë parazitë të shëndetit, të cilët nuk kanë asnjë lidhje me sistemin shëndetësor, sipas të cilit është zhvilluar Shqipëria, me atë që quhet modeli Bismarck bazuar mbi sigurimet shëndetësore.

Nuk janë futur edhe sot e kësaj dite DRG-të dhe, me dixhitalizimin, është një katastrofë. Pra, jemi i vetmi vend që jo vetëm nuk përfiton nga transformimi dixhital dhe nga tendencat bashkëkohore të dixhitalizimit në shëndetësi,, por e kemi lënë shëndetësinë si në kohën e papirusit kur mjekët i mbushin kartelat me dorë dhe nuk bëhet fjalë për dixhitalizim dhe metoda bashkëkohore zhvillimi.” tha mjeku në SYRI.TV.