Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

“Roja u vra në detyrë”, ambasada e SHBA dhe OSBE reagojnë për sulmin në TCH: Organet ligjzbatuese të zbardhin ngjarjen

Politiko 27 Mars 2023, 11:46

“Roja u vra në detyrë”, ambasada e SHBA dhe OSBE

Ambasada amerlikane në Tiranë ka reaguar lidhur me sulmin me armë zjarri në godinën e Top Channel, ku mbeti i vrarë roja i sigurisë, Pal Kola 60 vjeç.

Ambasada amerikane dënon sulmin ndaj TCH dhe i shpreh ngushëllime familjes së Pal Kolës.

“Ambasada e SHBA në Tiranë dënon me forcë sulmin vdekjeprurës ndaj Top Channel dhe i shprehim ngushëllimet më të thella familjes së viktimës. Nxisim agjencitë ligjzbatuese të kryejnë një hetim tërësor që do të nxjerrë përgjegjësit përpara drejtësisë”, shkruan ambasada amerikane në Facebook.

Për ngjarjen e rëndë ka reaguar edhe Prezenca e OSBE në Tiranë. Në një postim në Twitter, OSBE shkruan se sulmi në fjalë është një sulm flagrant ndaj demokracisë, teksa bën thirrje që organet ligjzbatuese të marrin masa për zbardhjen e ngjarjes sa më shpejt.

“Një sulm i tillë flagrant kundër medias është një sulm flagrant kundër demokracisë. @OSCEinAlbania i bashkohet thirrjeve të zyrtarëve më të lartë shtetërorë për një hetim të shpejtë dhe të plotë të incidentit dhe pret që autorët+sfondi i plotë i këtij sulmi të identifikohen dhe të sillen para drejtësisë Ne dënojmë fuqishëm sulmin kriminal kundër top channeltv dhe shprehim tronditjen dhe thellësinë tonë ngushëllime familjes dhe kolegëve të oficerit të sigurisë, z. Pal Kola, i cili humbi jetën teksa ishte në detyrë duke ruajtur një godinë ku ushtrohet gazetaria në shërbim të informacionit publik”, shkruan OSBE.

Të fundit