Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rrëfehet për herë të parë ish-zv.ministrja Voda: Si u arrestova për një arkë me peshk? Akuzat u bazuan në thashetheme

Politiko 17 Janar 2023, 13:46

Rrëfehet për herë të parë ish-zv.ministrja Voda: Si u

Ish-zv.ministrja Rovena Voda ka folur për herë të parë pas akuzave për shpërdorim detyre. Voda u akuzua se kishte përfituar një shumë prej 1mijë euro, një arkë me peshk dhe një cellular tip Samsung, në këmbim të një vendi pune në admnistratë.

Voda ka folur për herë të parë në një intervistë për Euronews Albania, ku ka treguar momentin e parë që i është komunikuar akuza.

“Në momentin kur jam njoftuar për masën e sigurisë ka qenë 13 korrik 2021 kisha 1 vit që isha liruar nga detyra. Kisha filluar jetën time profesionale, punoja si konsulente në një projekt. Në momentin që mu komunikua masa e sigurisë ka qenë një habi e madhe një paqartësi e madhe një gjendje shoku. Kur kam lexuar vendimin e gjykatës flitej për një histori që as nuk e mbaja mend. Flitej për një histori që në memorien time ka qenë e parëndësishme dhe nuk lidhej as me marrjen e përfitimeve as me ushtrimin e ndikimit të paligjshëm.

Së pari dua të sqaroj se komunikimet kanë qenë të dy personave të tjerë. Në asnjë moment, në 22-muaj hetime, nuk ka asnjë komunikim ku të dëgjohet zëri im, apo ndonjë një përgjim timin ku unë të shprehem për marrje dhe dhënie përfitimesh

Dy personat e tjerë janë nga Durrësi, unë jam një vajzë nga Durrësi. Majlinda ka qenë avokate e vjetër në Durrës, ka qenë avokatja ku unë kam kryer stazhin, praktikën time profesionale. Njohja ka qenë e hershme që në vitin 2003”, tha Voda.

Ish/zv.ministrja ka hedhur poshtë pretendimet dhe akuzat se ka premtuar vend pune në administratë. Voda ka thënë se të gjitha akuzat ndaj saj janë ngritur mbi bazën e thashethemeve.

“Të gjithë akuzën dhe arsyetimin e vendimit e ka bazuar në përfoljet dhe thashethemet ndaj meje të dy personave të tjerë. E gjithë baza e akuzës bazohet në përgjime të të tretëve, në mjete të kërkimit të provës, të cilat nuk çuan në prova konkrete. Nga analiza e këtyre përgjimeve rezulton se ato janë indicie të paqarta e jo në përputhje me njëra-tjetrën dhe sigurisht ato provojnë qartazi që nuk ndodhemi para një fakti penal”, tha ajo.

Të fundit