Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rrëfen ish-oficeri Nuhu: Taulant Balla ishte në zyrën time kur më kërcënuan me pistoletë në kokë

Politiko 10 Korrik 2023, 22:20

Rrëfen ish-oficeri Nuhu: Taulant Balla ishte në zyrën time kur

Ish-oficeri i policisë Emiliano Nuhu ka rrëfyer se si ku u kërcënua me armë në zyrën e tij në komisariatin e Policisë së Fushë Krujës, i pranishëm ka qenë edhe Taulant Balla, sot ministër i Brendshëm i emëruar nga Edi Rama.

Nuhu, duke folur në ‘Çim Peka LIVE’ në SYRI TV, tha se Balla ka qenë aty në zyrë bashkë me Rrahman Rrajën, dhe e ka përçmuar në korrik të 2018-ës.

“Taulant Balla ka qenë prezent në zyrën time në 21 korrik të vitit 2018, rreth orës 21:00-21:30 minuta dhe ka qenë i shoqëruar nga ish-deputeti Rrahman Rraja, Artur Bushi kryetar i bashkisë së Krujës dhe i vëllai i ish-deputetit, ka qenë në zyrën time.

Më kanë kërcënuar, Balla ka mbajtur një rol përçmues ndaj meje si numri 2 i PS-së. Në momentin që unë jam kërcënuar me armë në zyrën time. Në zyrën e shtetit nuk u kërcënua fizikisht Emiljano Nuhu, por unë përfaqësoja institucionin e policisë.

Jam kërcënuar në prezencë të Taulant Ballës dhe kanë qenë prezentë edhe persona të tjerë dhe muhabeti është agravuar pasi unë nuk pranoja të mos vazhdoja procedurat, ose detyrat që kisha marrë nga prokurorja, sepse do ta arrestoja djalin e deputetit.

Këtyre u dukej e çuditshme që unë u qëndroja fort detyrave që kisha marrë. Personi në fjalë që nxori armën u bë agresiv sepse e ndjente vetëm shumë superior ndaj meje, nuk duroi dot dhe nxori armën dhe më kërcënoi e më tha do të zhduk.

Dhe Taulant Balla, jo si një përfaqësues i shtetit, por si pjesë e krimit të organizuar tha; hiqe pistoletën se nuk i bën këto gabime ky oficeri.

Nëse deklarimet e mia nuk janë të vërteta, pse prokuroria, policia nën drejtimin e Ramës u munduan të mos bëjnë publike pamjet e kamerave të policisë së Fushë Krujë, ishin këta persona apo nuk ishin. Pse nuk i bënë publike.

Pas këtyre denoncimeve prokuroria e Tiranës ka hapur një procedim penal ndaj meje për shpërdorim detyre dhe personave që ishin të pranishëm. Nga të gjitha veprimet që ka kryer prokuroria e Tiranës për të gjithë personat që unë kam kallëzuar ka pushuar procedimin penal, kurse ndaj meje vazhdon procedimi penal, dhe nuk më jep mundësinë që të njihem me provat që ndodhen në dosje.

Nëse unë do kem mundësi të marr kopje të dosjes, aty do të duken të gjitha veprimet që ata kanë bërë për të mbuluar praninë e Taulant Ballës aty’, tha Emiliano Nuhu.