Flash News

Megaoperacioni/ Grupi me bazë në Durrës, zbardhen emrat e trafikantëve shqiptarë

Pse u zhvillua operacioni pas zgjedhjeve? Pyetja që zuri ngushtë Altin Dumanin

Gjendet pa shenja jete 24-vjeçari në liqenin e Farkës

Para, biznese, televizion/ Çfarë u sekuestrua gjatë megaoperacionit? Dy efektivë të përfshirë në skemën kriminale

Operacioni “Ura”, kryeprokurori i Barit: Mafia shqiptare është forcë ndërkombëtare shumë e madhe

E-TJERA

Çrregullimet mendore dhe obeziteti kërcënojnë adoleshentët

Politiko 21 Maj 2025, 10:22

Çrregullimet mendore dhe obeziteti kërcënojnë

Shkencëtarët kanë ngritur alarmin për shëndetin mendor dhe obezitetin që po kërcënon adoleshentët në kohët e sotme.

Një studim i botuar në revistën “The Lancet” thotë se shëndeti i adoleshentëve është në një “pikë kritike”. Ata theksojnë se pa ndërmmarrjen e veprime të synuara, deri në vitin 2030 të paktën gjysma e adoleshentëve në botë do të jenë në rrezik të përballen me probleme serioze shëndetësore.

Raporti i dytë i Komisionit “Lancet” mbi Shëndetin dhe Mirëqenien e Adoleshentëve thekson se adoleshentët e sotëm, brezi i parë që rritet në kushte më të ashpra klimatike dhe në praninë e përhapur të teknologjive dixhitale, përballen me kërcënime globale shëndetësore në mënyrë disproporcionale.

Obeziteti u rrit tetëfish

Mbipesha dhe obeziteti janë rritur tetëfish në disa vende afrikane dhe aziatike gjatë tre dekadave të fundit, ndërsa parashikimet tregojnë se deri në vitin 2030, 464 milionë adoleshentë në të gjithë botën do të jenë mbipeshë ose obezë (143 milionë më shumë se në vitin 2015).

Në fushën e shëndetit mendor, Komisioni parashikon që në vitin 2030 do të humbasin 42 milionë vjet jetë të shëndetshme për shkak të çrregullimeve mendore ose vetëvrasjeve (dy milionë më shumë se në vitin 2015).

Deri në vitin 2030, vlerësohet se mbi një miliard adoleshentë në botë, të moshës 10-24 vjeç, do të jetojnë ende në vende ku problemet e parandalueshme dhe të trajtueshme, të tilla si HIV/AIDS, shtatzënia e hershme, depresioni, ushqyerja e e keqe dhe lëndimet, së bashku kërcënojnë shëndetin dhe mirëqenien e adoleshentëve.

Në vendet me të ardhura të ulëta dhe të mesme, adoleshentët përbëjnë mbi një të katërtën e popullsisë dhe mbajnë një pjesë disproporcionale të barrës globale të sëmundjeve (9.1%), megjithatë ata marrin vetëm 2.4% të ndihmës globale për zhvillim.

Së fundmi, Komisioni nënvizon se tranzicioni digjital u ofron adoleshentëve mundësi të reja për arsim, punësim, promovim shëndetësor dhe ndërveprim shoqëror.

Megjithatë, shumë përvoja të rëndësishme sociale dhe emocionale tani ndodhin në internet, duke ngritur shqetësime për dëme të mundshme për zhvillimin dhe mirëqenien e tyre.

Vërehet se adoleshentët dhe të rinjtë nga më shumë se 36 vende luajtën një rol qendror në formimin e Komitetit, i cili u bën thirrje të rinjve të kërkojnë të drejtën e tyre për të marrë pjesë në formulimin e politikave, kërkimin dhe promovimin e zgjidhjeve që ndikojnë drejtpërdrejt në jetën e tyre.

Të fundit