Flash News

Plantacione me kan*bis në Spanjë, arrestohen 13 shqiptarë

“Mbrojeni shëndetin tonë!”/ Qytetarët protestojnë kundër fabrikës së mbetjeve shtazore në Lezhë

Ndahet nga jeta parakohe gazetari i njohur sportiv, Saimir Demi

Aksidentoi fëmijën 3 vjeç me makinë dhe më pas u largua, arrestohet 44 vjeçarja në Tiranë

Tritol makinës së të riut në Krujë, vetëm dëme materiale

E-TJERA

Rrëmbimi i Jan Prengës/ Dritan Rexhepi thyen heshtjen: Nuk e njoh Gentian Funiqin, s’kam parë kurrë në jetën time!

Politiko 13 Shkurt 2025, 16:38

Rrëmbimi i Jan Prengës/ Dritan Rexhepi thyen heshtjen: Nuk e njoh

Dritan Rexhepi, i njohur si "mbreti i kokainës", ka dhënë dëshminë e tij këtë të enjte në Gjykatën e Posaçme Kundër Korrupsionit dhe Krimit të Organizuar (GJKKO), lidhur me rrëmbimin dhe zhdukjen e Jan Prengës.

Gjatë seancës, Rexhepi ka mohuar çdo lidhje me të akuzuarin Gentian Funiqi, duke deklaruar se nuk e ka njohur dhe nuk e ka parë kurrë në jetën e tij. Ai ka premtuar se do të faktojë këtë me prova në vijim.

“Në burgun e Pratos kam qenë në siguri të lartë, pasi kisha apelin në Firence dhe më mbajtën 10 ditë. Nuk e njoh dhe nuk e kam parë ndonjëherë në jetën time Gentian Funiqin. Do ta faktoj këtë me prova në vijim,” është shprehur Rexhepi para trupit gjykues.

Çështja e rrëmbimit të Jan Prengës
Jan Prenga u rrëmbye më 17 janar 2020 dhe trupi i tij ende nuk është gjetur. Sipas hetimeve, rrëmbimi është organizuar nga familja Hajri në Shijak dhe grupi i Dukagjinit në Shkodër, me dyshimet se Dritan Rexhepi ishte porositësi i rrëmbimit.

Shkaku i këtij akti brutal lidhet me 260 kilogramë kokainë, që dyshohet se ishte vjedhur nga një grup i përbërë nga Astrit Prenga, Gëzim Shullani, një person me emrin Xhuliano nga Shkodra dhe një rumun, në portin e Smuthit në Angli. Pasi droga u nda mes tyre, grupet kriminale nisën të kërkonin sasinë e humbur, duke përshkallëzuar situatën në rrëmbim dhe zhdukje.

Hetimet për këtë çështje vijojnë, ndërsa Gramoz Rexhepi pritet të përballet me prova të reja në vijim të procesit gjyqësor.

Të fundit