Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rrëshqitjet alarmante në juglindje, inxhinieri: Rrezikohet Korridori 8 dhe fondet e BE-së

Politiko 26 Shkurt 2026, 16:00

Rrëshqitjet alarmante në juglindje, inxhinieri: Rrezikohet Korridori 8

Inxhinieri Romeo Nazarko ka komentuar situatën e krijuar pas rrëshqitjeve të segmenteve rrugore që lidhin vendin me juglindjen, duke e cilësuar gjendjen alarmante dhe me pasoja të rënda për infrastrukturën kombëtare.

I ftuar në studion e News24, Nazarko tha se mungesa e ndërhyrjes së menjëhershme pas shembjes së rrugëve tregon mungesë mobilizimi institucional.

“Kemi rreth një javë që ka ndodhur rrëshqitja e rrugëve dhe nuk ka asgjë. Nëse do të ishin mobilizuar të gjitha makineritë, situata do të ishte tjetër”, u shpreh Nazarko.

Ai e lidhi situatën me rëndësinë strategjike të Korridori 8, duke theksuar se vonesat dhe mosreagimi rrezikojnë një nga arteriet kryesore të vendit. Sipas inxhinierit, kjo rrugë ka rëndësi jo vetëm për udhëtarët, por edhe për transportin tregtar, pasi lidh dy pika doganore dhe aktualisht ka bllokuar qarkullimin e mallrave.

Nazarko ngriti pikëpyetje edhe mbi koordinimin e projekteve infrastrukturore, duke përmendur procesin e zhvendosjes së Porti i Durrësit, në raport me zhvillimin e Korridorit 8.

Ai paralajmëroi për pasoja në raport me Bashkimi Europian, duke theksuar se zvarritja e situatës mund të ndikojë në fondet e zhvillimit.

“Nëse situata vazhdon kështu, BE mund të tërheqë fondet, ashtu si ndodhi me fondet IPARD pas zbulimit të abuzimeve”, deklaroi Nazarko.

Të fundit