Flash News

E-TJERA

Rreth 1 ton marijuanë u shkëmbye në det, arrestohen tre vlonjatë dhe dy ukrainas. Policia jep detaje

Rreth 1 ton marijuanë u shkëmbye në det, arrestohen tre

Policia ka dalë me një njoftim zyrtar për operacionin e zhvilluar me “Guardia di Finanza” nga ajri, deti dhe toka. Uniformat blu bëjnë me dije se janë sekuestrohen rreth 1 ton marijuanë. 

Policia e Vlorës ka arrestuar në flagrancë tre vlonjatët Arbër Saraseli, 31 vjeç, Saverjo Imeraj, 22 vjeç dhe Qemal Pekmezi, 19 vjeç.

Ndërsa “Guardia di Finanza”, në ujërat italiane ka arrestuar në flagrancë dy shtetasit ukrainas Bychkovi Serhii, 43 vjeç dhe Senkevych Serhii, 62 vjeç.

Vlonjatët, në bashkëpunim me njëri-tjetrin, dje  rreth orës 15:00, dyshohet se kanë transportuar marijuanën me 3 skafe drejt një mjeti tjetër lundrues, në thellesi të ujërave të detit Jon dhe më pas e kanë nisur atë drejt Italisë. 

Mjeti lundrues me të cilin transportohej lënda narkotike u kap nga “Guardia di Finanza”. 992 kg marijuanë u gjet e ndarë në 153 pako.   
 
Në vijim të operacionit, gjatë kontrollit në banesën e shtetasit Saverjo Imeraj në Vlorë, u sekuestrua një sasi kanabisi. Policia sekuestroi 3 mjetet skafet, 3 aparate celulare dhe 2 automjete. 

Policia po vijon punën për kapjen e personave të tjerë të përfshirë në këtë skemë trafiku.

 

Të fundit