Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

E-TJERA

Rritja e çmimeve, INSTAT nxjerr shifrat: Kryeson energjia elektrike dhe gazi, bie transporti

Politiko 8 Qershor 2023, 09:16

Rritja e çmimeve, INSTAT nxjerr shifrat: Kryeson energjia elektrike dhe

Indeksi i Çmimeve të Prodhimit, për tremujorin e parë të vitit 2023, arriti 129,5 kundrejt vitit 2020.

Krahasuar me tremujorin e parë 2022, Indeksi i Çmimeve të Prodhimit shënoi një rritje me 9,4%, një vit më parë ky ndryshim ishte 17,0%, sipas shifrave të INSTAT.

Rritja më e madhe e çmimeve, krahasuar me tremujorin e parë të vitit 2022, u vu re në seksionin “Energjia elektrike, gaz, avull dhe me ajër të kondicionuar” ku shihet një rritje me 18.3%. E pasuar nga “Industri nxjerrëse” me 13,0% dhe “Industri përpunuese” me 7,0%.

Rritja më e madhe e çmimeve brenda këtij seksioni u shënua në në aktivitetin “Shtypshkrimi dhe rigrupimi i mediave të regjistruara” me 25,4%, pasuar nga aktivitetet “Prodhimi i drurit dhe produkteve prej druri dhe dushku, përveç mobiljeve; prodhimin e artikujve prej kashte dhe xunkthi” me 15,1%, “Prodhimi i produkteve minerale jo metalike” me 13,2%, “Pajisje të tjera transporti” me 11,4%, etj.

Ndërsa ulja më e madhe e çmimeve vihet re në seksionin “Prodhimi i mjeteve të transportit, rimorkiove dhe gjysëmrimorkiove” me 4,0%, pasuar nga aktiviteti “Përpunimi i koksit dhe rafineria e nënprodukteve të  naftës” me 2,8%.

Indeksi i Çmimeve të Prodhimit të produkteve për tregun vendas

Krahasuar me tremujorin e parë të vitit 2022, indeksi shënoi rritje me 9,3%. Rritja më e madhe e çmimeve vërehet në seksionin “Industri nxjerrëse” me 21,3%, pasuar nga seksioni “Industria Përpunuese” me 10,8%, seksioni “Energjia elektrike, gaz, avull dhe ajër i kondicionuar” me 6,3% dhe seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 0,4%.

Indeksi i Çmimeve të Prodhimit të produkteve për eksport

Krahasuar me tremujorin e parë të vitit 2022, indeksi shënoi rritje prej 9,1%. Rritja më e madhe e çmimeve është shënuar në seksionin “Energjia elektrike, gazi, avulli dhe ajri kondicionuar” me 34,7%, pasuar nga seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 15,7%, “Industri Nxjerrëse” me 4,1% dhe seksioni “Industria Përpunuese” me 2,7%.

Të fundit