Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rritja e çmimit të karburanteve/ Konfindustria thirrje qeverisë: Merrni masa! Rrezikojmë krizë energjitike

Politiko 3 Tetor 2021, 11:07

Rritja e çmimit të karburanteve/ Konfindustria thirrje

Konfindustria i është drejtuar qeverisë shqiptare dhe opozitës me një kërkesë duke ngritur shetqësimin për rritjen e çmimit të naftës.

Në kërkesë konfidustria thekson se rrezikon të marrë përmasat e një krize energjetike që do të sjellë pasoja negative për vendin. Konfindustria e konsideron një papërgjegjshmëri totale të institucioneve shtetërore e cila po shkakton pasoja mbi biznesin, qytetarët dhe ekonominë e vendit.

Nga ana tjetër, konfindustria parashtron edhe një paketë të përgatitur me të gjitha masat dhe ndërhyrjet e nevojshme që duhen bërë në tregun karburanteve me qëllim zbutjen e pasojave që sjell rritja e çmimit të karburanteve.

Kërkesa e plotë e konfindustrisë:

Konfindustria i kërkon vendimarrjes politike shqiptare përfshi opozitën, Kuvendit të Shqipërisë dhe qeverisë, të marrin sa më shpejt masat e nevojshme për të zbutur pasojat e rritjes së pakontrolluar të cmimit të karburanteve. Rritja e cmimeve të karburanteve rrezikon të marri përmasat e një krize të vërtetë energjitike në vitin 2021-2022 me pasoja të pallogaritshme negative për vendin.

Konfindustria ka përgatitur paketën e plotë të propozimeve të saj institucionale, fiskale dhe ekonomike lidhur me ndërhyrjet e domosdoshme, që duhen bërë në tregun e karburanteve për të zbutur pasojat e rritjes së cmimeve në tregjet ndërkombëtare. Konfindustria do të paraqesë institucionalisht para vendimarrjes politike, të shumicës dhe pakicës në Kuvendin e Shqipërisë, paketën e kërkesave për përmirësimin e ndërtimit dhe funksionimit të sotëm të tregut të karburanteve. Në mungesë të marrjes së veprimeve të shpejta dhe profesionale nga institucionet shtetërore biznesi, qytetarët dhe ekonomia kombëtare do të përballet me kosto shtesë nga rritja e cmimeve të importuara nga tregjet ndërkombëtare.

Konfindustria shpreh shqetësimin për mungesën e plotë të deritashme të përgjegjësisë së institucioneve shtetërore lidhur me rritjen e fortë të cmimeve të karburanteve dhe pasojave shkatërruese të tyre në biznesin, qytetarët dhe ekonominë kombëtare.

Tregu i karburanteve në Shqipëri karakterizohet nga grupimet kartel dhe oligopol, që fillojnë nga shërbimet portuale, tregëtia me shumicë dhe pakicë. Biznesi, qytetarët dhe buxheti i shtetit shqiptar, përvec rritjes së fortë të cmimit të publikuar përballen më kosto shtesë të fshehura mjaft të larta si pasojë e cilësisë së dobët të karburanteve, evazionit fiskal dhe kostove të pranisë së koncesioneve dhe PPP në sistem. Pasojave të rënda në mjedis dhe shëndetin e popullsisë. Ministria përkatëse, agjencitë qeveritare të kontrollit të cilesisë dhe rregullatorët e sotëm të tregut, kanë dështuar krejtësisht në zbatimin e detyrave ligjore përkundrejt tregut të karburanteve.

Cmimet e karburanteve në tregun shqiptar gjatë sezonit veror dhe në vazhdim në muajin shtator 2021 janë rritur në vlera, që shkojnë deri ne 80% të gazit të lëngshëm dhe më shumë se 10% të naftës dhe benzinës. Cmimet e karburanteve në Shqipëri janë ndër më të lartat në gjithë Europën, përfshi edhe vëndet shumë më të pasura të kontinentit. Tregu i karburanteve është më i madhi në vend mbi 10% të PPB dhe me ndikim të drejtëpërdrejtë në gjithë sektorët e tjerë të ekonomisë, industrive, biznesit, prodhimit vendor dhe qytetarëve shqiptarë.