Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rrjedhja e të dhënave/ Komuniteti Shqiptar në Greqi: Më 25 Prill u kërcënuam, Rama të kërkojë falje

Politiko 24 Dhjetor 2021, 11:59
Rrjedhja e të dhënave/ Komuniteti Shqiptar në Greqi: Më 25
Foto Ilustruese

Rrjedhja e pagave për mbi 600 mijë qytetarë ka shkaktuar reagime jo vetëm në vendin tonë, por skandali ka marrë vëmendjen edhe nga mediet e huaja dhe komunitetet shqiptare që jetojnë jashtë vendit.

Komuniteti Shqiptar në Greqi ka reaguar lidhur me skandalin, duke bërë një paralelizëm me kërkesën e qeverisë në zgjedhjet e 25 Prillit, për të deklaruar vendndodhjen e saktë të banesave përmes e-Albania. Duke qenë se një pjese e vogël emigrantësh i bënë deklarimet, komuniteti tregon se janë kërcënuar me sanksione nga qeveria shqiptare.

“Pak muaj para zgjedhjeve qeveria shqiptare na kërkoi të gjithë emigrantëve, të deklaronim vullnetarisht vendbanimet tona në shtetet ku jetojmë nëpërmjet platformës e-Albania. Kjo me justifikimin se ishte e domosdoshme për të votuar nga vendet ku jetojmë. Kjo e drejtë nuk na u garantua kurrë. Sigurisht që shumë prej nesh, duke jetuar në perëndim, ishim shumë skeptikë. Ndërkohë, pasi u pa që vetëm një pjesë shumë e vogël emigrantësh po deklaronin të dhënat, nga ana e qeverisë u kërcënuam me sanksione për mos ofrim shërbimesh online, shërbime këto që janë jetike për ne për shkak të largësisë nga atdheu dhe pamundësisë për ti patur ato në kohën e duhur”, thuhet në reagim.

Ndër të tjera, komuniteti kërkon që kryeministri Rama të kërkojë falje për ‘kërcënimet’ që i drejtoi asokohe, në një situatë kur sot të dhënat sensitive për qindra mijëra qytetarë, janë bërë publike.

“Si për ironi të fatit, pa kaluar viti dashje pa dashje u vërtetua skepticizmi ynë kur këto ditë ka plasur dhe skandali i rrjedhjes së të dhënave personale dhe ekonomike të më shumë se 650 mijë shtetasve që jetojnë në Shqipëri. Sot, Kryeministri shqiptar u kërkoi falje shqiptarëve të prekur nga paaftësia e qeverisë që ai vet drejton. Duke qenë plotësisht në të drejtën tonë dhe ne i kërkojmë sot Kryeministrit, të na kërkojë falje për presionin që ushtroi ai dhe qeveria e tij ndaj nesh për një çështje që sot rezultoi që ishte abuzim mbi të drejtat tona si shtetas shqiptarë që jetojmë jashtë Shqipërisë dhe se shteti amë është i paaftë të na garantojë sigurinë mbi të dhënat tona personale”, përfundon reagimi i postuar në faqen e Komuniteti Shqiptar në Greqi.

Të fundit