Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ruçi pret delegacionin e Komisionit të Jashtëm Parlamentar të Kosovës: Me ShBA dhe BE, asgjë nuk është e pamundur

Politiko 21 Tetor 2020, 13:56

Ruçi pret delegacionin e Komisionit të Jashtëm Parlamentar

Kryetari i Kuvendit të Shqipërisë, Gramoz Ruçi ka pritur ne Kuvend, delegacionin e Komisionit të Jashtëm Parlamentar të Kosovës të kryesuar nga Time Kadrijaj.

Ruçi ka deklaruar se Shqipëria e mbështet dialogun Kosovë-Serbi, dhe se me SHBA dhe BE asgjë s’është e pamundur.

Nga ana tjetër Time Kadrijaj falenderoi Kryetarin e Kuvendit për pritjen dhe konfirmoi se mbështetja e Shqipërisë për Kosovën s’ka munguar kurrë dhe se çdo arritje e Shqipërisë është dhe e Kosovës.

NJOFTIMI NGA KUVENDI:

Kryetari i Kuvendit, z. Gramoz Ruçi, priti delegacionin e Komisionit të Jashtëm të Kuvendit të Kosovës: Asgjë nuk është e pamundur, me mbështetjen e ShBA dhe BE.

Kryetari i Kuvendit, z. Gramoz Ruçi, priti delegacionin e Komisionit të Jashtëm të Kuvendit të Kosovës, të kryesuar nga Kryetarja e këtij Komisioni, znj. Time Kadrijaj, i cili ndodhet për vizitë zyrtare në Tiranë. Në takim ndodhej edhe Ambasadori i Kosovës në Tiranë, z. Nait Hasani.

Ruçi vlerësoi bashkëpunimin e shkëlqyer dhe vëllazëror midis dy vendeve, i cili është strategjik, stabilizues për rajonin dhe orientues për perspektivën euroatlantike të vendeve tona. Partneritetin Strategjik e gjithëpërfshirës me Kosovën ta bëjmë një model për bashkëpunimin rajonal.

“Shqipëria mbështet fuqishëm Dialogun Kosovë-Serbi, të ndërmjetësuar nga BE-ja dhe SH.B.A. Rezultati përfundimtar duhet të jetë një Marrëveshje e detyrueshme ligjore, që mundëson njohjen e ndërsjellët mes dy vendeve, anëtarësimin e Kosovës në OKB dhe BE, si dhe trajtim të drejtë të minoriteteve, konform Kushtetutës së Kosovës. Shqipëria mirëpret marrëveshjen e nënshkruar në Uashington në 4 Shtator 2020 nga Kryeministri Hoti dhe Presidenti Vuçiç, në prani të Presidentit të SHBA, Trump, dhe e konsideron si një hap të jashtëzakonshëm dhe shumë të rëndësishëm drejt normalizimit të plotë të marrëdhënieve dhe njohjes reciproke midis dy vendeve. Ne vlerësojmë rolin dhe angazhimin e Presidentit të SHBA-ve dhe administratës së tij në avancimin dhe konsolidimin e procesit të paqes, zhvillimit ekonomik dhe të ardhmes Euro-Atlantike të rajonit. Asgjë nuk është e pamundur, me mbështetjen e ShBA dhe BE. Në politikën e jashtme nuk mund të arrihet asnjëherë një fitore e plotë, e mënjëhershme.”, nënvizoi Kryetari i Kuvendit, z. Gramoz Ruçi.

Kryetarja e Komisionit, znj. Time Kadrijaj, falenderoi Kryetarin e Kuvendit, z. Gramoz Ruçi, për pritjen dhe vuri në dukje se “Mbështetja e Shqipërisë për Kosovën, e cila kurrë nuk ka munguar, është një inkurajim i madh për institucionet e Kosovës. Çdo arritje e Shqipërisë është edhe e Kosovës dhe anasjelltas. Ne do të vlerësonim shumë mbështetjen e vazhduershme të Shqipërisë në procesin e integrimit europian dhe njohjes ndërkombëtare të Republikës së Kosovës.”