Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

SafeJournalists mirëpret vendimin e Kushtetueses: Ndalimi i TikTok ishte i papajtueshëm me ligjin

Politiko 16 Mars 2026, 12:24

SafeJournalists mirëpret vendimin e Kushtetueses: Ndalimi i TikTok ishte i

Rrjeti SafeJournalists ka mirëpritur vendimin e Gjykatës Kushtetuese, e cila rrëzoi vendimin e qeverisë për të pezulluar për një vit qasjen në platformën sociale TikTok.

SafeJournalist thekson se vendimi “konfirmon shqetësimet tona që nga fillimi: ndalimi kombëtar i TikTok-ut, i vendosur pa konsultim publik dhe pa shqyrtim parlamentar, ishte i papajtueshëm me standardet kushtetuese dhe të të drejtave ndërkombëtare të njeriut.”

Organizata nënvizon se çdo kufizim ndaj platformave dixhitale duhet të ketë “bazë ligjore të qartë, të jetë i domosdoshëm dhe proporcional”, dhe kërkon që autoritetet shqiptare të “nisin një proces konsultimi të hapur dhe gjithëpërfshirës me parlamentin, shoqërinë civile, organizatat mediatike dhe ekspertët e të drejtave digjitale”.

“Ky vendim konfirmon shqetësimet që u ngritën që nga fillimi nga organizatat për lirinë e medias dhe aktorët e shoqërisë civile, se ndalimi kombëtar i TikTok-ut — i vendosur pa shqyrtim parlamentar, pa konsultim publik paraprak dhe pa vlerësim të proporcionalitetit — ishte i papajtueshëm me standardet kushtetuese dhe detyrimet ndërkombëtare për të drejtat e njeriut.

Vendimi vendos një parim të rëndësishëm kushtetues: masat që kufizojnë qasjen në platformat dixhitale duhet të kenë bazë ligjore të qartë dhe specifike, të jenë të domosdoshme dhe të përfaqësojnë mënyrën më pak kufizuese për të arritur një qëllim legjitim në interes publik.

Ky vendim ka gjithashtu një relevancë më të gjerë për diskutimet mbi rregullimin e platformave dixhitale. Ndërsa qeveritë në Europë dhe Ballkanin Perëndimor kërkojnë mënyra për të adresuar përmbajtjen e dëmshme online, vendimi kujton se çdo masë duhet të mbështetet në autoritet ligjor të qartë dhe të respektojë parimet e nevojës dhe proporcionalitetit, në përputhje me standardet kushtetuese dhe ndërkombëtare për lirinë e shprehjes”, deklaron SafeJournalist.

Të fundit