Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Samiti i zgjerimit të BE-së mbahet sot në Bruksel, pjesë edhe Rama

Politiko 4 Nëntor 2025, 10:11

Samiti i zgjerimit të BE-së mbahet sot në Bruksel, pjesë

Mbahet sot në Bruksel samiti për zgjerimin e BE-së, ku do të mblidhen bashkë udhëheqësit e vendeve kandidate për anëtarësim në Union. Punimet pritet të nisin në orën 14:00 deri në 17:00.

Mësohet se në këtë samit do të marrë pjesë edhe kryeministri Edi Rama. Po ashtu, do të jenë kryeministri malazez Milojko Spajiç, ai maqedonas Hristijan Mickoski, presidenti serb Aleksandër Vuçiç, presidenti ukrainas Volodymyr Zelenskyy si dhe ajo moldave Maia Sandu.

Nga Unioni do të jetë Presidenti i Këshillit Evropian, Antonio Costa. Samiti i radhës për zgjerimin e Bashkimit Evropian do të shërbejë si një platformë e parë e këtij lloji, ku udhëheqësit e vendeve kandidate do të kenë mundësinë të ndajnë perspektivat e tyre mbi procesin e zgjerimit dhe të ardhmen evropiane të rajonit.

Nga vendosmëria e Ukrainës dhe Moldavisë për t’u integruar në BE, pavarësisht sfidave të luftës së vazhdueshme në Ukrainë, deri te pritja shumëvjeçare e vendeve të Ballkanit Perëndimor për anëtarësim, çdo udhëheqës pritet të sjellë përvojën dhe këndvështrimin e vet kombëtar mbi mënyrën se si perceptohet zgjerimi dhe çfarë pritet në rrugën përpara.

Sa i përket vendit tonë, udhëheqësit evropianë kanë vlerësuar përparimin e jashtëzakonshëm të arritur gjatë muajve të fundit, duke e renditur atë ndër kandidatët kryesorë për anëtarësim në Bashkimin Evropian deri në vitin 2030. Ky vlerësim shihet si një sinjal i qartë përkushtimi ndaj reformave dhe rrugës evropiane që vendi ka ndjekur me vendosmëri.

Të fundit