Samiti në Tiranë, Euroactiv: BE synon të qetësojë Ballkanin e zhgënjyer

Udhëheqësit e BE-së do të takohen sot me homologët e tyre të Ballkanit Perëndimor në Tiranë për të siguruar rajonin për një të ardhme në bllok mes frikës së rritjes së ndikimit rus dhe kinez.

Kështu shkruan Euroactiv, ndërsa shton se pas luftës në Ukrainë, BE-ja është fokusuar për të afruar Malin e Zi, Bosnjën, Maqedonisë së Veriut, Kosovën, Shqipërinë  dhe Serbinë.

Më tej thuhet se teksa perspektiva e bashkimit me bllokut mbetet e “pakapshme” për disa shtete, BE ka frikë se mund të fillojnë të kërkojnë alternativa diku tjetër.

Vitet e fundit, ka pasur pak dëshirë për zgjerim brenda BE-së dhe disa shtete anëtare kanë kërkuar reforma përpara se të pranojnë anëtarë të rinj.

Samiti i mëparshëm në Brdo, Slloveni, u dominua nga mosmarrëveshja nëse deklarata përfundimtare duhet të përmbajë fjalën "zgjerim", pasi disa vende anëtare të Evropës Perëndimore në atë kohë hezitonin të merrnin zotime për një perspektivë të rritjes së bllokut në të ardhmen.

Por në pjesën më të madhe për shkak të luftës, procesi i zgjerimit të BE-së është ringjallur papritur pas gati një dekade stagnimi.

“Kohët po ndryshojnë, në kuptimin që Evropa gjithashtu mund të ofrojë gjëra dhe jo gjithmonë të kërkojë, dhe nganjëherë ofron punë më mirë se kërkesat”, tha komisioneri i Zgjerimit Olivér Várhelyi për EURACTIV pas prezantimit të raporteve të zgjerimit të këtij viti.

Qëllimi i takimit gjysmëditor është të sigurojë stabilitet të mëtejshëm për një rajon që doli nga shpërbërja e Jugosllavisë dhe luftërat etnike të viteve 1990, por që ende është i mbërthyer nga tensionet.

Por lëvizjet drejt integrimit më të afërt janë krijuar gjithashtu për t'i mohuar Moskës një portë për të shkaktuar probleme në atë që shihet si një rajon i lëkundur në krahun juglindor të BE-së.

Serbia, në veçanti, e cila u bombardua nga NATO dy dekada më parë, ka luftuar prej kohësh për të balancuar lidhjet e ngushta historikisht me Rusinë kundër aspiratave për integrim ekonomik dhe politik me Perëndimin.

Një raport i fundit i Parlamentit Evropian qortoi vendet anëtare për "mospërmbushjen e premtimeve të kahershme të BE".