Samiti në Tiranë/ Nis sot bllokimi i pjesshëm, blindohet ‘Air Albania’; rrugët që do ndalohet qarkullimi

Duke nisur nga sot pritet të fillojë bllokimi i pjesshëm i akseve rrugore në kuadër të masave të sigurisë për samitin BE-Ballkani Perëndimor.

Me intervale kohore, sot do të bllokohen akset: Rinasi-Kashar, autostrada Tiranë-Durrës, ish-Sheshi Shqiponja, Unaza e Madhe, Kopshti Botanik, rrethrrotullimi i Saukut, rrethrrotullimi te “Varrezat e Dëshmorëve” deri tek kryqëzimi me bulevardin “Bajram Curri”.

Gjithashtu do të ndalohet qarkullimi rreth zonës së stadiumit “Air Albania”, ku do të zhvillohet samiti. Kjo zonë do të merret që sot në mbrojtje nga Policia e Shtetit.

Në zonat e sigurisë do të lejohet kalimi i këmbësorëve dhe i banorëve rezidentë. Ndërsa, për punonjësit e institucioneve dhe subjekteve që ndodhen rreth ‘Air Albania’ do t’u kërkohet karta e identitetit.

Të martën, dita e zhvillimit të punimeve të samitit BE-Ballkani Perëndimor, bllokimi i akseve do të bëhet që në orën 07:30 të mëngjesit deri në përfundim të aktivitetit.

Nesër do të ndryshojë edhe itenerari i mjeteve të transportir publik, të cilët nuk do të lëvizin në bulevardin “Dëshmorët e Kombit” dhe “Bajram Curri”.

Akset që do të bllokohen më 6 dhjetor:

-Bulevardi “Dëshorët e Kombit”, nga ura e Dajtit deri te Sheshi “Nënë Tereza”;

-Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

-Rruga “Papa Gjon Pali II” nga ETC-RTSH-Stadium;

-Rruga “Dervish Hima”;

-Rruga “Asim Zeneli”;

-Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”;

-Rruga “Ismail Qemali”, nga kryqëzimi i Liceut deri te rruga e “Elbasanit”.

-Rruga “Mustafa Matohiti”, pranë shkollës “Kosova”;

-Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

-Rruga “Fatmir Haxhiu”, te ETC;

-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;

-Rruga “Skerdilajd Llagami”

-Rruga “Faik Konica”.

-Ndalim të qarkullimit të automjeteve do të ketë edhe në aksin rrugor;

-Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri tek kryqëzimi me bulevardin “Bajram Curri”.

-Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”.