Flash News

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

Megaoperacioni/ Grupi me bazë në Durrës, zbardhen emrat e trafikantëve shqiptarë

E-TJERA

Scholz-Ramës: Mediat e lira dhe të pavarura, thelbësore për demorkacinë. Kryeministri ‘mburret’ me Reformën në Drejtësi

Politiko 7 Mars 2023, 13:24

Scholz-Ramës: Mediat e lira dhe të pavarura, thelbësore për

Kancelari gjerman Olaf Scholz priti në Berlin në një takim kryeministrin Edi Rama, ku disiktuuan për çështje të ndryshme duke filluar nga samiti i Procesit të Berlinit që do të mbahet më 16 tetor në Tiranë, tek integrimi i Shqipërisë në BE dhe hapat e mëtejshëm në reforma.

Scholz, në konferencën e përbashkët për shtyp, nënvizoi nevojën për media të lirë dhe të pavarur në Shqipëri. Kancelari gjerman tha se duhet një mjedis ekonomik sa më shumë transparent.

“Mediat e lira dhe të pavarura janë pjesë përbërëse dhe thelbësore e demokracive tona europiane. Ndaj kemi nevojë për një mjedis ekonomik me siguri juridike dhe transparent. Integrimi i shpejtë i të gjashtë vendeve të Ballkanit Perëndimor ka rëndësi strategjike”, tha Scholz.

Nga ana tjetër, Rama ‘iu mburr’ vendeve fqinje të Ballkanit Perëndimor, me Reformën në Drejtësi që sipas tij ka çuar para përgjegjësisë çdo njeri që ka kryer vepra në kundërshti me ligjin dhe ka qenë i lidhur me pushtetin.

“Nuk diskutohet që samiti i dhjetorit ka lënë një gjurmë të thellë te ne dhe kjo është barrë për të fituar respektin dhe për të thelluar rrugën tonë për të qenë një vend gjithnjë e më evropian. Një vend shembull në luftën kundër korrupsionit, jemi vend i vetëm në rajon që falë Reformës në Drejtësi e kemi ngritur stekën atje ku nuk ka qenë. Rajoni duhet të marrë shembull nga ne. Drejtësia nuk do të dijë për pushtetin. Ka ende shumë për të bërë por ka ardhur dita që atë që nuk e besonte askush është bërë fakt. është fakt që njerëz të lidhur me qeverinë shkojnë para drejtësisë. Këto janë shenja domethënëse të një rruge që vazhdon. Procesi i Berlinit është krijuar për ta shtyrë më tej këtë rrugë”, u shpreh Rama.

Të fundit