Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Së dyti, reduktoje dëmin”: Një rishikim i parimit të Hipokratit në të mirë të shëndetit publik

Politiko 23 Mars 2022, 10:55

“Së dyti, reduktoje dëmin”: Një rishikim i parimit

Ikona e mjekësisë në Greqinë e lashtë, Hipokrati, e lë për t’u përmendur në Librin e tij të Epidemive kur thotë se: “Së pari, mos e shkakto dëmin”. Në teori, kjo thënie është e shkëlqyer sidomos kur vjen fjala për duhanpirjen, pasi mënyra më e mirë për të mos i shkaktuar vetes dëm, është duke hequr dorë përfundimisht prej saj.

Por e vërteta është shumë ndryshe. Pavarësisht përpilimit të vazhdueshëm të strategjive për të nxitur lënien përfundimtare të çdo produkti të nikotinës, ende 1 miliardë njerëz janë duhanpirës. Kjo do të thotë se është koha për ta ndjekur parimin e Hipokratit me një këndvështrim më praktik: “Së dyti, reduktoje dëmin.”

Reduktimi i dëmit përfshin një sërë strategjish dhe politikash të cilat synojnë të reduktojnë pasojat negative të faktorëve ndikues tek shëndeti publik. Këto strategji kanë nisur të implementohen në mënyrë të qëllimshme në vitet ’70. Ndër më e njohura prej këtyre politikave mund të jetë ndoshta terapia e zëvendësimit me metadon për njerëzit e varur ndaj opioideve. Kjo terapi është e përhapur në të gjithë botën dhe vazhdon të implementohet gjerësisht, edhe në vendin tonë.

E megjithatë, kur vjen fjala për cigaret, institucionet e rëndësishme të shëndetit dhe qeveritë nuk e kanë përqafuar kaq në masë idenë e alternativave për reduktimin e dëmit. Shkenca dhe teknologjia janë zhvilluar tashmë mjaftueshëm sa për të sjellë produkte alternative të duhanit, të cilat përcjellin nikotinën duke shmangur edhe mijëra kimikatet e dëmshme.

Sa herë digjet, cigarja çliron tym, i cili përmban rreth 6 mijë kimikate, prej të cilave 100 janë të vërtetuara shkencërisht se janë të dëmshme ose potencialisht të dëmshme pra, shkaktare të sëmundjeve të lidhura me pirjen e cigares. Duke eliminuar djegien, është bërë e mundur të krijohen produktet me ngrohje, të cilat e ngrohin fijen e duhanit duke emetuar jo më tym, por aerosol, dhe duke reduktuar deri në 95% kimikatet e dëmshme.

Në lidhje me këto produkte, ekspertë të reduktimit të dëmit dhe të shëndetit publik po bëjnë thirrje për përqafimin e një qasjeje mendjehapur, që t’i bëjë më të aksesueshme alternativat si një metodë efektive për reduktimin e demit. Studime të shumta laboratorike kanë treguar potencialin e produkteve me ngrohje, të cilat reduktojnë kimikatet e emetuara.