Flash News

E-TJERA

Sekuestrohet banesa me vlerë 200 mijë euro në Pogradec, pronarët e përfituan me dokumente false

Sekuestrohet banesa me vlerë 200 mijë euro në Pogradec,

Një banesë me vlerë 200.000 euro është vendosur nën sekuestro preventive në Pogradec.

Sipas policisë, . L., 47 vjeç dhe B. A., 46 vjeç, të dy banues në Pogradec dyshohet se nëpërmjet një kontrate të falsifikuar, kanë përfituar banesën e një personi tjetër, në lagjen nr. 3, pronë me sipërfaqe rreth 300 m².

Specialistët për Hetimin e Krimeve të Komisariatit të Policisë Pogradec, në bashkëpunim me Prokurorinë pranë Gjykatës së Rrethit Gjyqësor Pogradec, si rezultat i punës gjurmuese-hetimore të kryer për evidentimin dhe sekuestrimin e pasurive të përfituara në mënyrë të paligjshme, si rrjedhojë e veprimtarive kriminale, bënë ekzekutimin e vendimit nr. 269, të datës 18.11.2022, të Gjykatës së Shkallës së Parë Pogradec, e cila ka vendosur sekuestro preventive ndaj një pasurie në pronësi të shtetasve A. L., 47 vjeç dhe B. A., 46 vjeç, të dy banues në Pogradec.

Këta 2 shtetas janë në hetim, për veprat penale "Falsifikimi i dokumenteve" dhe "Pastrimi i produkteve të veprës penale ose veprimtarisë kriminale", kryer në bashkëpunim, pasi dyshohet se nëpërmjet një kontrate të falsifikuar, kanë përfituar banesën e një shtetasi tjetër, në lagjen nr. 3, Pogradec, banesë me sipërfaqe rreth 300 m² dhe me vlerë rreth 200 000 euro.

Vijon puna për gjurmimin, konstatimin dhe sekuestrimin e aseteve të tjera që mund të jenë përfituar në mënyrë të kundërligjshme, nga shtetasit A. L. dhe B. A.

Materialet procedurale i kaluan Prokurorisë pranë Gjykatës së Shkallës së Parë Pogradec për veprime të mëtejshme”, ka njoftuar policia e Pogradecit.

 

Të fundit