Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Sekuestrohet 7.25 kg kokainë në Portin e Durrësit, hera e tretë brenda muajit në ngarkesat e ‘Alba Exotic Fruit’

Politiko 29 Korrik 2021, 19:31
Sekuestrohet 7.25 kg kokainë në Portin e Durrësit, hera e

Sekuestrohet 7.25 kilogramë lëndë narkotike e dyshuar kokainë në Portin e Durrësit.             

Sipas policisë, lënda narkotike është gjetur sërish e fshehur në kontejnerin e kompanisë “Alba Exotic Fruis”.

“Vijon operacioni policor i koduar “Rada”, për goditjen e veprimtarisë kriminale në fushën trafikimit të lëndëve narkotike.

Sekuestrohet një tjetër sasi lëndë narkotike kokaine, në kontenierët për llogari kompanisë “Alba Exotic Fruit”.

Në vijim të operacionit “Rada” të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, Strukturat Hetimore të Drejtorisë Vendore të Policisë Durrës dhe autoritetet doganore të Portit u gjetën dhe u sekuestruan 11 kg e 675 gr. lëndë narkotike kokainë, e duke vijuar përsëri në datën 23.07.2021, ku u gjetën dhe sekuestruan 6.5 kilogramë të tjera lëndë narkotike kokainë, pasditen e sotme si rezultat i veprimeve hetimore, është bërë e mundur gjetja dhe sekuestrimi i një tjetër sasie  lëndë narkotike kokainë.

Gjatë kontrollit të imtësishëm të ushtruar nga Task Forca permanente që vepron në Portin e Durrësit në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë.

Taks Forca permanente që operon në Portin e Durrësit vijon veprimet hetimore për dokumentinin e plotë të veprimtarisë kriminale të trafikimit të kokainës”, njofton policia

Kjo është hera e katërt që në kontejnerët me banane të kompanisë  ‘Alba Exotic Fruit’ gjenden sasi me kokainë.

Pas ngarkesës prej 11.6 kilogramësh të sekuestruara më 13 korrik në portin e Durrësit një tjetër sasi prej 6.5 kilogramë është kapur nga policia pasditen e 24 korrikut.

Në vitin 2019 po në një kontejner me banane të porositur nga kjo komani, policia greke sekuestroi në portin e Pireut një ngarkesë prej 137 kg kokainë që si destinacion final kishte portin e Durrësit.

Të fundit