Flash News

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Shpërthen në flakë automjeti te Komuna e Parisit

Krimet Zgjedhore/ Agjentët e BKH dhe Policia kontrolle në Shkodër

Arrestohen në Dubai 3 bashkëpunëtorë të Talo Çelës

Miu në kthetrat e bufit, Chris LaCivita i përgjigjet drejtpërdrejt Ramës

E-TJERA

Selanik/ 28 të arrestuar për përfshirje në organizatë nacionaliste, mes tyre edhe të mitur

Politiko 7 Maj 2025, 20:49

Selanik/ 28 të arrestuar për përfshirje në organizatë

Policia greke ka arrestuar 28 persona në Selanik gjatë një operacioni të gjerë kundër një organizate nacionaliste, e dyshuar për veprimtari të dhunshme dhe raciste. Sipas autoriteteve, mes të ndaluarve janë 15 të rritur dhe 13 të mitur, ndërsa në pranga ka rënë edhe kreu i organizatës së njohur si "Rinia Nacionaliste e Selanikut".

Të arrestuarit dyshohet se janë përfshirë në një sërë veprash penale, përfshirë raste vjedhjesh, dhune me sfond racist, nxitje për akte dhune dhe aktivitete të tjera kriminale. Autoritetet kanë dokumentuar përfshirjen e tyre në disa episode gjatë viteve 2024 dhe 2025, përfshirë edhe përplasjen e 28 shkurtit 2025 në Selanik, gjatë një marshimi drejt zonës së Tempi-t. Gjatë atij incidenti, persona me flamuj grekë u përleshën me anëtarë të grupimeve anarkiste jashtë Stacionit të Ri Hekurudhor.

Po ashtu, të rinjtë nacionalistë dyshohet se kanë qenë të përfshirë në shkruarjen e sloganeve me përmbajtje nacionaliste dhe raciste në shkolla të ndryshme të qytetit. Sipas hetimeve, aktiviteti i kësaj organizate ka nisur që në vitin 2019, u ndërpre përkohësisht gjatë pandemisë së COVID-19, dhe ka rifilluar me intensitet që nga viti 2024.

Operacioni policor u zhvillua të mërkurën në mëngjes nga Seksioni i Sigurisë së Shtetit, ndërsa arrestimet u kryen në banesat e të dyshuarve, përfshirë edhe zona si Evangelistria. Gjithashtu janë ushtruar kontrolle në shtëpi dhe ambiente të tjera të lidhura me aktivitetin e të arrestuarve.

Hetimet vijojnë për të dokumentuar të gjitha veprimtaritë e paligjshme të organizatës dhe për të identifikuar persona të tjerë të përfshirë.

Të fundit