Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Serbia nuk lejoi delegacionin nga Kosova në Kampionatin Botëror të Boksit, asnjë reagim nga qeveria shqiptare

Politiko 27 Tetor 2021, 11:26

Serbia nuk lejoi delegacionin nga Kosova në Kampionatin Botëror

Ende asnjë reagim nga autoritetet shqiptare për situatën e krijuar së fundmi midis Kosovës dhe Serbisë. Kjo e fundit i ndaloi hyrjen në territorin e saj delegacionit përfaqësueses së Kosovës në boks.

Kujtojmë që ata u nisën disa here drejt Beogradit për të marrë pjesë në Kampionatin Botëror të Boksit, në kategorinë e meshkujve, që zhvillohet në kryeqytetin serb nga 24 tetori deri më 6 nëntor, por u kthyen mbrapsht.

Qeveria shqiptare nuk ka bërë asnjë koment për këtë ngjarje, e cila ka ngjallur shumë reagime ditët e fundit.

I vetmi reagim nga Shqipëria ishte i delegacionit të vendit tonë që refuzoi të marrë pjesë në Botërorin e boksit. Kjo u konfirmua nga trajneri i Kosovës Besim Brahimi, i cili falënderoi homologun nga Shqipëria, Zef Gjonin.

Lidhur me këtë rast ka reaguar dhe kryeministri i Kosovës Albin Kurti, i cili deklaroi se Serbia duhet ta tregojë forcën në ring dhe jo në kufi.

Duke e cilësuar shkelje, Kurti i bëri thirrje ndërkombëtarëve që ta dënonin këtë sjellje diskriminuese.

"Serbia duhet të tregojë forcën e saj në ringun e boksit jo në kufi. Vendimi i tyre për të mos lejuar hyrjen e sportistëve tanë për Kampionatin Botëror të Boksit 2021 është një shkelje. I bëj thirrje BE-së dhe komunitetit ndërkombëtar për të dënuar këtë shkelje dhe veprim diskriminues", thuhej në reagimin e Kurtit.

Kjo sjellje e Serbisë u dënua dhe nga Federata Ndërkombëtare e Boksit (AIBA). Në reagimin e saj thuhej se të gjithë sportistët duhet të kenë një shans të barabartë në garë, ndërsa i kërkoi Serbisë që të lejonte delegacionin nga Kosova të shkonte në Beograd.

Të fundit