Sezoni turistik, policia: Nga nesër ndalohet qarkullimi i kamionëve në këto rrugë

Me nisjen e sezonit turistik, policia ka vendosur që të ndalojë qarkullimin e mjeteve të rënda gjatë fundjavave.

Sipas njoftimi të policisë, këto kufizime do të hyjnë në fuqi nga data 15 qershor, deri në një njoftim të dytë.

Njoftimi i Policisë së Shtetit:

Me fillimin e sezonit turistik veror dhe në kuadër të masave lehtësuese për qarkullimin e mjeteve, Policia e Shtetit bën me dije se më datë 15.06.2024, fillon zbatimi i kufizimeve të parashikuara në udhëzimin e përbashkët, gjatë fundjavës dhe gjatë ditëve të festave zyrtare.

Akset rrugore për të cilat do të zbatohen kufizimet, sipas udhëzimit, janë:

    Shkodër-Plazhi Shirokë

    Lezhë-Kryqëzimi Milot-Kukës

    Tiranë-Gjiri i Lalëzit

    Durrës-Gjiri i Lalëzit

    Durrës-Kryqëzimi Milot-Kukës

    Vlorë-Palasë-Dhermi-Sarandë

10-Tepelenë-Gjirokastër-Kakavije

Duke marrë shkas nga turizmi i shtuar, i cili reflekton rritje të mjeteve në qarkullim, veçanërisht gjatë sezonit turistik veror, Policia e Shtetit apelon për zbatim të kufizimeve të parashikuara për mjetet e transportit të mallrave, me qëllim lehtësimin e lëvizjes dhe aksesit për pushuesit e huaj dhe vendas.