Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shembjet te “5 Maji”/ Banori debaton me Gjekmarkajn: Projektin e nisi Basha, deputeti: Nuk po i shemb PD

Politiko 1 Nëntor 2021, 13:23

Shembjet te “5 Maji”/ Banori debaton me Gjekmarkajn: Projektin e

Protesta për shembjen e banesave te “5 Maji” ka vijuar edhe sot ku banorët kanë kërkuar nga qeveria një dokument të mirëqenë dhe të plotë për vendimin që do të vihet në zbatim.

I pranishëm sot me banorët ka qenë edhe deputeti demokrat Agron Gjekmarkaj i cili ka debatuar me një nga banorët e zonës. Ky i fundit iu drejtua deputetit duke i thënë se projekti që qeveria aktuale po vendos në zbatim, është rezultat i Lulzim Bashës.

Nga ana tjetër, Gjekmarkaj ka kërkuar nga banori që të mos hedhë akuza mbi Partinë Demokratike dhe kreun e saj, pasi nuk janë ata fajtorë për shembje e banesave.

Banori: Ky projekt i cili është sot janë defekt i partisë apo qeverisë tënde, i cili ka nisur me projektin që e ka vendosur vetë Basha dhe qeveria tjetër po na vulos pjesën që ju e keni vendosur. Procesi i legalizimit që është vendosur që në vitin 2004-2005 është ky lloj projekti. Banorët kanë bërë kërkesë për të shpronësuar dhe asnjë reagim deri tani.

Gjekmarkaj: Nuk është këtu PD me ruspa për t’iu shembur shtëpitë. Nuk po iu shemb shtëpitë Partia Demokratike. Nuk po ua shemb shtëpitë Lulzim Basha. Nuk mund të paragjykosh se çfarë do të bënte Lulzim Basha.

Banori: Ky lloj projekti është përgjegjësia e juaja dhe e këtij që është sot. Ne nuk duam mbështetje të partive. Ne duam mbështetje dhe informacion të institucioneve shtetërore,” u shpreh banori.

Të fundit