Flash News

E-TJERA

Shembjet te "5 maji"/ Koeficienti 'ndez' debat mes Lapajt dhe Maznikut: Gënjeni! Flas me plan urbanistik

Shembjet te "5 maji"/ Koeficienti 'ndez' debat mes Lapajt

Debati per shembjen e banesave në zonën e "5 majit" në Tiranë, ka përplasur nënkryetarin e Bashkisë Arbjan Mazniku me juristin Adriatik Lapaj në studion e "Opinon".

Ishte fillimisht Mazniku i cili po shpjegonte planin urbanisitik mbi të cilin do të ndërtohet lagjia në zonën e "5 majit". Mazniku ishte duke përllogaritur truallin në metër katror që përfitonte një banor, por koeficienti i deklaruar nga nënkryetari i Bashkisë, shkaktoi reagim nga ana e juristit.

Lapaj iu drejtua Maznikut duke e pyetur se pse koeficienti 1.7 me të cilin bashkia po përllogarit metrat katror, deklarohet nga ana e tij 1.5. Me një përllogaritje të bërë live në studio, 189 metra katror i takojnë çdo familjeje, ndërsa Lapaj deklaroi se bazuar në Aktin Normativ 9, shkon në 120 metra.

Pjesë nga debati:

Arbian Mazniku: Klodi i ka pasur mundësitë prej 4 muajsh që ta evitonte këtë situatë. Klodi është ndër ata njerëz i cili ka aplikuar për bonusin e qirasë. Klodi është nga ata njerëz që me bonusin e qirasë mund të kishte bërë lëvizjen, të kishte shkuar në banesën e re, kishte marrë të gjitha gjërat nga shtëpia. Po marr t’ju shpjegoj situatën e Kodit. Klodi ka 215 metra truall dhe 98 metra ndërtesë. Klodi do të përfitojë 202 metra.

Adriatik Lapaj: Ata thonë kemi problem me dokumentacionin.

Arbian Mazniku: Nuk ka asnjë problem me dokumentacionin, kjo është një çështje që nuk ka asnjë lloj sensi. Çdo ndërtues tjetër do i kishte dhënë jo më shumë se 100 metra. Po merr të paktën dyfishin e asaj që do ia kishte dhënë një tjetër…

Adriatik Lapaj: Me çfarë koeficenti ishte atje?

Arbian Mazniku: Me 1.5 që e kishte plani urbanistik i zonës.

Adriatik Lapaj: Një sekond Fevzi se jemi para publikut. Me çfarë koeficenti po ndërton Bashkia atje?

Arbian Mazniku: 1.7.

Adriatik Lapaj: Pse nuk e llogarit me 1.7?

Arbian Mazniku: Po them me plan urbanistik.

Adriatik Lapaj: Nxirre hartën atje se do çohem dhe unë tani. Se gënjeni tani. Po lëre tani se na ofendoni inteligjencën. Këto këtu çfarë janë?

Arbian Mazniku: Objekte të larta

Adriatik Lapaj: Sa kate?

Arbian Mazniku: 18 kate, 19 kate

Adriatik Lapaj: Jo janë 30 kate!

Arbian Mazniku: Po, çfarë problemi ka?

Adriatik Lapaj: Po pse thua jo 18 kate.

Arbian Mazniku: Ç’rëndësi ka se nuk e di.

Adriatik Lapaj: Kjo në mes çfarë është?

Arbian Mazniku: Kullë, 23 kate.

Adriatik Lapaj: Këto me çfarë koeficenti janë këto?

Arbian Mazniku: Me 1.7.

(Ngrihet Mazniku dhe merr shkopin)

Arbian Mazniku: Po ky sheshi sa e ka, po ko rruga sa e ka?

Adriatik Lapaj: Sa është sipërfaqja totale e truallit?

Arbian Mazniku: 160 mijë.

Adriatik Lapaj: Sa është sipërfaqja totale e ndërtimit?

Arbian Mazniku: Është herë 1.7, shumëzoje.

Adriatik Lapaj: Do e bëjmë dhe do ia themi publikut se mbajmë përgjegjësi për këto. Pyetja që kam unë për nënkryetarin e bashkisë është kjo. (I drejtohet Fevziut) 1.7 shumëzim 160 mijë.

Blendi Fevziu: 272 mijë metra ndërtim.

Adriatik Lapaj: Pyetja ime është sa familje do të strehohen nga tërmeti këtu?

Arbian Mazniku: 1200 familje.

Adriatik Lapaj: Pjesëtoje 272 mijë me 1200 familje.

Blendi Fevziu: 226 metra katrorë për familje.

Adriatik Lapaj: 272 mijë zbriti 45 mijë pjesëtim për 1200.

Blendi Fevziu: 189 metra.

Adriatik Lapaj: 189 metra do u japin këta për familje nga tërmeti? Nuk ua japin se nuk jua jep ligji se është akti normativ numër 9. Akti normativ shkon maksimumi në 120 metra.45 mijë metrat e banorëve i zbritëm ndërsa pjesa tjetër përfitojnë se janë familje nga tërmeti. 189 metra. Aty të paktën gjysma e 189 metrit se ka familje edhe me dy banorë, do shkojnë si sipërfaqe e tepërt, pra na del ekstra. Kjo, për këto kullat këtu që do jepen me përqindje. Ngre pyetjen, kjo sipërfaqja këtu sa është ku do ngrihen kullat? E ke të paktën 60 mijë katrorë. Këta janë banorë këtu, kanë shtëpi. Po të jetë për të dhënë me përqindje e japin vetë ata s’ka pse të jetë bashkia.

 

Të fundit