Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

Shifrat/ Familjet shqiptare të varura ndaj shpenzimeve bazike, a ndikon niveli i arsimimit në mirëqënien e popullsisë

Politiko 12 Maj 2022, 09:19

Shifrat/ Familjet shqiptare të varura ndaj shpenzimeve bazike, a ndikon

Vlera e shpenzimeve mujore të familjeve shqiptare është rritur ndër vite dhe shkaku kryesor është shtrenjtimi i çmimeve.

Në vitin 2020 një familje shqiptare shpenzon mesatarisht 83 475 lekë çdo muaj për mallra dhe shërbime të konsumit, shifër kjo 20% më e lartë se ajo e vitit 2014.

Këto janë shifrat e përpunuara nga “Open Data Albania”, e cila shton se familjet shqiptare ende janë të varur ndaj shpenzimeve bazike për mbijetesë, utilitete dhe qira dhe shpenzojnë më pak për veshje, argëtim, arsim dhe kulturë.

Zërin kryesor të shpenzimeve të konsumit në vitin 2020 e zënë ushqimet dhe pijet jo-alkoolike, përkatësisht 41.6%, pasuar nga shpenzime për banesën, ujë, energji elektrike, qira të paguar 10%.

Familjet shqiptare shpenzojnë vetëm 3.1% për arsim dhe 2.8% për argëtim dhe kulturë. Ndërsa për shëndetësinë shpenzuan vetëm 5.4% të buxhetit të tyre familjar.

Interesant është fakti që një familje shqiptare kryefamiljari i të cilës ka arsim të lartë apo pas universitar konsumon çdo muaj vetëm 1.6 herë më shumë se një familje me një kryefamiljar me arsim minimal 8 ose 9-vjeçar.

Arsimimi me sa duket nuk ka shënuar ende një polarizim të cilësisë së jetesës mes gupeve.

Në rang qarqesh Tirana mban vendin e parë sa i takon vlerës më të lartë të shpenzimeve të konsumit mesatar mujor me përkatësisht 98 737 lekë në vitin 2020, pasuar nga Korça me 83 160 lekë.
Ndërsa në nivelet më të ulëta të shpenzimeve familjare dhe për pasojë edhe nivelin ekonomik të jetesës qëndrojnë Kuksi dhe Dibra.

Të fundit