Flash News

Shkatërrohet rrjeti i trafikantëve të drogës, 11 arrestime në Foggia, në qendër të hetimit një shqiptar

Gara për kreun e BKH-së, përfundon sot afati për aplikimet

Plagosi çiftin e bashkëshortëve në Rrogozhinë, ja kush është autori

Plagosi me armë fqinjët, vetëdorëzohet në polici autori

Prokuroria dërgon në gjyq 5 shtetas kosovarë për kontrabandë ilaçesh

E-TJERA

Shitën bileta me çmime të kripura për ndeshjen “Shqipëri-Serbi” , 3 të arrestuar në Tiranë

Politiko 5 Qershor 2025, 11:01

Shitën bileta me çmime të kripura për ndeshjen

Tre persona kanë përfunduar në pranga dhe dy të tjerë janë proceduar në gjendje të lirë, pasi u kapën duke shitur bileta për ndeshjen e shumëpritur “Shqipëri–Serbi” me çmime disa herë më të larta se ato të vendosura nga Federata Shqiptare e Futbollit (FSHF).

Policia e Tiranës bëri me dije se operacioni i koduar “Attention” u zhvillua pas informacioneve të siguruara nga hetuesit për Krimet Ekonomiko-Financiare, ku rezultonte se biletat po tregëtoheshin në mënyrë të jashtëligjshme përmes një llogarie në rrjetin social Instagram.

Në kuadër të këtij operacioni u arrestuan shtetasit L. M., 34 vjeç, A. T., 23 vjeç dhe I. L., 24 vjeç. Ndërkohë, ndaj shtetasit E. Sh., 25 vjeç dhe një të mituri 16 vjeç, është nisur procedim penal në gjendje të lirë.

Të gjithë personat akuzohen për veprat penale “Manipulimi i tregut” dhe “Fshehja e të ardhurave”.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Të fundit