Flash News

Lidhet kontrata për ndërtimin e instalacionit 3.6 milionë euro brenda Kryeministrisë

Rinisin tensionet në veri të Kosovës, policia hedh gaz lotsjellës, forca të shtuara të KFOR

Posta e mëngjesit/ Me 2 rreshta: Çfarë pati rëndësi dje në Shqipëri

Fitoi zgjedhjet presidenciale në Turqi, reagon Erdogan: Mirupafshim Kemal

Përfundon numërimi i votave, Erdogan rizgjidhet President i Turqisë për 5 vitet e ardhshme

E-TJERA

Shkaktoi aksident teksa tentoi t’i ikte policisë, arrestohet 35-vjeçari në Dibër

Politiko 24 Mars 2023, 16:39

Shkaktoi aksident teksa tentoi t’i ikte policisë, arrestohet

Një 35-vjeçar i identifikuar si Ditar Cerjani është arrestuar nga policia e Dibrës pasi u kap me lëndë narkotike në makinë këtë të premte.

Po ashtu ky shtetas  në tentativë për t’i shpëtuar policisë, ka aksidentuar një automjet të parkuar.

Ndërkaq në cilësinë e provës material janë sekuestruar një sasi lënde narkotike kanabis, një grirëse metalike që shërbente për grirjen e kanabisit dhe automjeti me të cilin qarkullonte 35-vjeçari.

“Shërbimet e Policisë bazuar në inteligjencën informative për një shtetas që shpërndante lëndë narkotike në doza në qytetin e Peshkopisë, janë vënë në ndjekje të një atuomjeti.

Drejtuesi i automjetit shtetasi D.C., 35 vjeç, nuk i është bindur urdhërit të Policisë për të ndaluar dhe gjatë largimit përplasi një automjet të parkuar, por është kapur pas ndjekjes nga shërbimet e Policisë.

Gjatë kontrollit fizik policia i gjeti 35 vjeçarit (i dënuar më parë për disa vepra penale ) një sasi lënde narkotike canabis sativa.

Ndërsa gjatë kontrollit të automjetit u gjet një dozë lënde narkotike canabis sativa dhe një grirëse metalike që dyshohet se shërben për përpunimin e lëndës narkotike.

Në përfundim të veprimeve të para hetimore u bë arrestimi i shtetasit D.C., 35 vjeç, banues në Durrës, për veprat penale “Mosbindje ndaj urdhërit të punonjësit të policisë të rendit publik”, “Largim nga vendi i aksidentit”, “Prodhim dhe shitje e lëndëve narkotike”.”, njofton policia.

Materialet procedurale i kaluan Prokurorisë për veprime të mëtejshme.

Të fundit