Flash News

Dita e tretë e protestave në veri, serbët grumbullohen para komunave, shtohen forcat e KFOR

Posta e mëngjesit/ Me 2 rreshta: Çfarë pati rëndësi dje në Shqipëri

Emrat/ Qeveria nis zëvendësimin e ambasadorëve

Partizani shpallet për herë të 17 kampion i Shqipërisë

Në kërkim për tentativë vrasjeje, arrestohet 23-vjeçari dhe bashkëpunëtori në Elbasan

E-TJERA

Shkaktoi aksidentin e dyfishtë në Vlorë, arrestohet ish-drejtori i Doganës së Fierit

Politiko 21 Mars 2023, 13:48

Shkaktoi aksidentin e dyfishtë në Vlorë, arrestohet ish-drejtori

Është arrestuar ish-drejtori i Doganës së Fierit, Arlind Lagji, i cili shkaktoi aksidentin e dyfishtë në Vlorë, një ditë më parë.

Mbi Lagjin rëndojnë veprat penale të “Drejtimit të automjeteve në mënyrë të parregullt”, “Shkelja e rregullave të qarkullimit rrugor“ dhe “Largimi nga vendi i aksidentit”.

“Specialistët e Qarkullimit Rrugor të DVP Vlorë arrestuan në flagrancë shtetasin A. L., 46 vjeç, banues në Vlorë, për veprat penale “Drejtimi i automjeteve në mënyrë të parregullt”, “Shkelja e rregullave të qarkullimit rrugor“ dhe “Largimi nga vendi i aksidentit”.

Ky shtetas, ditën e djeshme, duke drejtuar automjetin tip “Volksëagen”, në gjendje të dehur, në rrugën “Gjergj Kastrioti”, ka aksidentuar shtetasen I. S., 66 vjeçe, banuese në Vlorë, është larguar nga vendi i aksidentit dhe ka vijuar lëvizjen, në këtë aks rrugor, ku më pas ka përplasur automjetin tip “Peugeot” me drejtues shtetasin B. C., 63 vjeç, banues në Vlorë.

Shtetasja I. S. dhe shtetasi B. C. ndodhen në spital, jashtë rrezikut për jetën. Materialet iu referuan Prokurorisë, për veprime të mëtesjshme”, njofton policia.

Lagji u shkarkua nga detyra pas një raportimi mediatik që tregoi se ai kishte dhunuar dhe kërcënuar me jetë një person, me bashkëshorten e të cilit kishte pasur marrëdhënie intime.

Në Shtator 2022, një emision televiziv tregoi sesi Arlind Lagji, ende në detyrë si Drejtori i Doganës Fier, dhunoi dhe kërcënoi me jetë një qytetar.

Denoncuesi Algert Belulaj bëri me dije se konfliktet me drejtorin e Doganës filluan pasi mësoi se ai dhe bashkëshortja e tij kishin një lidhje jashtëmartesore.

Belulaj u shpreh se lidhur me kërcënimet bëri edhe denoncim në organet ligjzbatuese, por shtoi se ndaj Lagjit nuk u mor asnjë masë.

Të fundit