Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Shkaktojnë kancer dhe leucemi, AKU hesht për akulloret e kontaminuara me oksid etileni

Politiko 17 Korrik 2024, 11:05

Shkaktojnë kancer dhe leucemi, AKU hesht për akulloret e kontaminuara

Në tregun shqiptar kanë qarkulluar akullore të kontaminuara me oksid etileni, një substancë e rrezikshme për shëndetin që shkakton në rastet më të rënda kancer.

Qarkullimi në treg i akullreve me oksid etileni u zbulua nga kreu i KLSH-së, Arben Shehu, një ditë më parë teksa foli në Komisionin e Ekonomisë dhe Financave. Shehu deklaroi se AKU është njoftuar menjëherë për rastin dhe se duhej të kishte marrë masa për të parandaluar konsumin e tyre.

“Në 27.7.2021, u zbuluan markat e akullore, Oksid Etileni në akulloret e prodhuar në Francë, u zbulua nga Spanja që më pas ka njoftuar në sistemin ras 47 shtete, për komantimin e akullores me Oksid Otileni në disa akullore. Me pas në 30/7/2021 ka ardhur email, drejtuesit e AKU për këtë gjë. AKU, është njoftuar menjëherë dhe duhet të merrte masa për të ndaluar qarkullimin e akulloreve të kontaminuara. Oksidi Etileni shkakton kancer, leuçemi, ndikon në aftësinë riprodhuese tek meshkujt. AKU nuk kreu asnjë veprim, nuk e bllokoi këtë produkt”, u shpreh ai.

Autoriteti Kombëtar i Ushqimit, institucioni i vetëm në Shqipëri që ka si qëllim të vetëm garantimin e sigurisë ushqimore të shqiptarëve, nuk ka dalë ende me një njoftim për të sqaruar situatën emergjente.

Shqiptarët, të cilët mund të kenë konsumuar këto akullore të kontaminuara me oksid etileni, nuk janë informuar ende për rrezikshmërinë e lartë që paraqesin.

Detyrimi i AKU-së nuk është vetëm bllokimi i produktit por edhe informimi për llojin e akullores ose akulloreve qe e përmbajnë këtë substancë të rrezikshme.

Deri tani AKU ka zgjedhur të heshtë duke ngritur pikëpyetje nëse produktet e kontaminuara kanë hequr apo vijojnë të mbeten në treg.

Të fundit