Shkarkimi i Metës, Bushati kritikon qëndrimin e opozitës: Nuk e ka frymën e mbrojtjes nën drejtimin e Bashës

Analisti Andi Bushati ka kritikuar qëndrimin e opozitës lidhur me nismën e PS për shkarkimin e presidentit Ilir Meta.

I ftuar në Open, Bushati thotë se opozita e drejtuar nga Lulzim Basha nuk e ka frymën e mbrojtjes dhe përballjes me regjimin. Sipas tij në Shqipëri falen aeroporte dhe opozita mbyll gojën.

“Një kryetar opozitë do të fillonte dhe të thoshte që t’i nuk mund të bashkëpunosh me mua me presidenti, kur je futur kokë e këmbë në procedurë në shkarkimin e atij që kemi president. Një opozitë pa qëndrim, është e papranueshme.

Çfarë ndodhi një vit më parë kur Ilir Meta u fut në një betejë kushtetuese për Gjykatën Kushtetuese, në fund Komisioni i Venecias i dha të drejtë. E mbani mend qëndrimin e PD, thoshte është beteja e presidentit.

Kjo opozitë nuk ka frymën e mbrojtjes ndaj regjimit. Është e lehtë të thuash kriminelet dhe oligarkët. Një opozitë që mungon në beteja të tilla si në mbrojtjen e Kushtetueses dhe të presidentit, është e papranueshme. Këtu falen aeroporte dhe opozita mbyll gojën”, u shpreh Bushati.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm