Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Shkarkimi i Metës/ ISP ngre shqetësimin: Deputetët që kanë firmosur s’kanë më mandat. Si mund “të rrëzohet” vendimi

Politiko 21 Janar 2022, 10:33

Shkarkimi i Metës/ ISP ngre shqetësimin: Deputetët që

Çështja e shkarkimit të presidentit Ilir Meta është në Gjykatën Kushtetuese dhe seanca është caktuar në datën 1 shkurt. Nga prononcimet e dhëna për mediat, Kreu i Shtetit nuk është shprehur i shqetësuar, por optimist për këtë situatë.

Nga ana tjetër Instituti i Studimeve Politike ka ngritur një shqetësim lidhur me këtë çështje. ISP thekson se Kuvendi ka vendosur që çdo nismë ligjore e deputetëve që nuk janë rizgjedhur në 2021 të anulohet.

“Në legjislaturën e re kemi kushte të reja politikë dhe ish deputetët nuk janë më subjekte të nismave ligjore, pavarësisht se nismat e tyre kanë qenë të depozituara kur ata ishin deputetë, pra kur e kishin këtë të drejtë kushtetuese”, thuhet në një reagim të ISP-së.

Por nuk do të ndiqet e njëjta linjë për këtë vendim. Kuvendi nuk është tërhequr nga kjo çështje edhe pse tetë prej nëntë deputetëve që iniciuan nismën për shkarkimin e Metës nuk janë më deputetë.

“Në rastin e shkarkimit të Presidentit, rezulton se Kuvendi do të mbrojë në Gjykatën Kushtetuese vendimin e shkarkimit të Presidentit të iniciuar nga 9 deputetë, 8 prej të cilëve nuk janë më deputetë! Po ashtu vendimi në seancë është marrë nga së paku 70 deputetë që nuk janë më deputetë”, shton më tej Instituti.

Kjo i fundit ngre pyetjet se a ka bazë legjitimiteti një akt i ndërmarrë nga një trup që nuk ekziston më dhe se mbi cilën cilësi do të mund të paraqiten ish-deputetët për të dëshmuar në gjykatë.

Mbetet për t’u parë nëse të njëjtin shqetësim do ta ngrejë edhe Gjykata Kushtetuese. Kujtojmë se Kuvendi miratoi më 9 qershor me 104 voto pro shkarkimin nga detyra të Presidentit të Republikës. Meta është presidenti i parë i Republikës që u shkarkua me një nismë të tillë nga Kuvendi. Tani është Gjykata Kushtetuese ajo që do të vendosë përfundimisht nëse gjetjet e Parlamentit, për shkelje të rënda të Kushtetues nga Ilir Meta, janë të bazuara apo jo.

Për shkarkimin e tij, socialistët ngritëm Komisionin Hetimor, i cili për disa javë mblodhi fakte, që sipas tij, vërtetonin shkelje të Kushtetutës nga ana e Presidentit Ilir Meta, dhe që ishin kryesisht deklarata të bëra nga ky i fundit në media apo në rrjetet sociale.

Të fundit