Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shkarkimi i Metës, Komisioni Hetimor prezanton raportin përfundimtar: Brenda 7 ditëve do ta çojmë në Kuvend

Politiko 28 Maj 2021, 12:41

Shkarkimi i Metës, Komisioni Hetimor prezanton raportin përfundimtar:

Komisioni Hetimor për shkarkimin e Presidentit Ilir Meta është mbledhur sot për të prezantuar raportin përfundimtar. Kryetari Alket Hyseni bëri me dije se raporti do të paraqitet në Kuvend brenda 7 ditëve. Ai foli edhe për referncat që janë marrë gjatë hetimit.

"Komisioni zhvilloi debat mbi provat. Në datën 26 komisioni doli në përfundimin e hetimeve. Brenda shtatë ditëve do t’ja paraqesim seancës. Kemi shfrytëzuar opinionet e Venecias, vendimet e Gjykatës Kushtetuese, një tërësi aktesh ligjore që kanë shërbyer si referencë për hetimin. Komisioni ka pasur si detyrë nëse këto akte janë shkelje të Kushtetutës,” deklaroi Hyseni.

Ky i fundit tha se roli i Kreut të Shtetit është uniteti dhe neutraliteti. Ai e akuzoi Metën se bëri fushatë kundër partisë në pushtet dhe se mbajti qëndrim të njëanshëm.

"Presidenti nuk duhet të bëjë pjesë në asnjë parti politike, presidenti duhet të jetë uniteti por edhe duhet të shihet dhe perceptohet nga i gjithë populli si neutral.  Sjellja e Presidentit duhet të përcaktohet si rol ekuilibrues në jetën politikë të vendit dhe nuk përfshihet në lojën e përditshme politike.

Kryetari i Shtetit nuk duhet të mbështesë forca të caktuar apo t'i kundërvihet forcave të ndryshme politike. Presidenti bëri një fushatë kundër partisë në pushtet me të gjithë fuqinë institucionale të tij", tha Hyseni.

Kreu i Shtetit nuk shkoi në seancë dëgjimore me argumentin se kjo strukturë është ilegjitime dhe zbaton urdhra politikë. Meta është shprehur se nuk do të njohë asnjë vendim të Kuvendit. Kjo është nisma e dytë e socialistëve për shkarkimin e Presidentit. Për të shkarkuar Metën do të duhen 94 vota.

Të fundit