Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Presidenca publikon dokumentet: Si e ndryshoi Kuvendi datën e urdhrit të Ruçit për të manipuluar Kushtetuesen

Politiko 7 Shkurt 2022, 18:04

Presidenca publikon dokumentet: Si e ndryshoi Kuvendi datën e urdhrit

Këshilltari për Çështjet Ligjore i presidentit, Bledar Dervishaj ka denoncuar manipulimin e provave nga Kuvendi, sipas tij në përcaktimin e rendit të ditës në seancën për shkarkimin e Metës. Në një konferencë Live për mediat, Dervishaj tha se manipulimi lidhet me urdhrin e lëshuar asokohe nga ish-kryetari i Kuvendit Gramoz Ruçi ku vendoset data 5 maj në vend të datës 6 për përcaktimin e rendit të ditës për të legjitimuar seancën e 7 majit.

Ai sqaroi se ky manipulim është bërë me qëllim që të përmbushej kushti për caktimin jo më vonë se në 48 orët e fundit.

“Në parashtrimet apo qëndrimet që i kemi dorëzuar gjykatës kushtetuese që prej 1 korrikut 2021 dhe ato të mëvonshme 1 shkurt 2022, 3 shkurt, kemi parashtruar ndër të tjera se ve ç shkeljeve shumë të rënda të kushtetuetës ligjit, të kryera prej Kuvendit, një prej shkeljeve të dokumentuara nga ana jonë ishte edhe fakti që në 7 maj 2021 kur u zhvillua seanca për miratimin e ngritjes së komisionit hetimor, Kuvendi kishte konsumuar edhe 3 shkelje, e para me përcaktimin e rendit të ditës dhe bërjen publik më vonë se dy ditë përpara, sepse rendi i ditës ishte përcaktuar në datën 6 maj për në datën 7 maj, pra Kuvendi po thirrej në një seancë për një afat për më pak se 24 orë. Shkelja e dytë ishte që në rendin e ditës nuk kishte dy çështje, por kishte një. Seanca plenare të nesërmen mori dy vendime. Shkelja e tretë kishte të bënte me faktin që nuk kishte as ndonjë kërkesë apo vendim nga organi i Kuvendit që të vendoste shtesa në rendin e ditës. Kur na erdhi radha të bëjmë parashtrimet tona, Kuvendi e ndjeu veten të dobët dhe menjëherë aktivizohet të nesërmen me një shkresë”, tha Dervishaj.

“Shkelja apo manipulimi i parë, urdhri që Kuvendi i vendosi në 4 shkurt Gjykatën Kushtetuese. Si çdo urdhër ka të përcaktuar në pikën 20 rendin e ditës, ku përfshihet projekt-vendim për raportin dhe propozimin e komisionit për çështjet ligjore. Këto prova shtesa nuk ia kërkoi Kushtetuesja as Presidenca. Bëmë një krahasim të përmbajtjes së këtij urdhri me urdhrin që vetë Kuvendi ka depozituar në faqen e tij që prej majtit 2021. Nuk kemi më datën 05/05 por 06/05. Përse bëhet kjo?! A mos lidhet kjo me rrëzimin e një nga shkeljet ku përcaktohet se urdhri për rendin e ditës bëhet jo më vonë se 48 orë. Ndryshimet aty të çojnë. Askund tjetër.

Sipas urdhrit që Kuvendi i vendosi në dispozicion në datë 4 shkurt Gjykatës Kushtetuese është referuar seanca në datë 5, 05, 2021. Sapo u vumë në dijeni të premten për kërkesën dhe provat shtesë, nuk ia kërkoi Gjykata Kushtetuese Kuvendit por vetë ai ia çoi gjykatës. Bëjmë një krahasim me urdhrin që Kuvendi ka depozituar në faqen e tij që prej Majit 2021. Në urdhrin 19 nuk është data 05.05 por 06.05.2021. Përse bëhet kjo?! A mos lidhet kjo me rrëzimin e një nga shkeljet ku përcaktohet se urdhri për rendin e ditës bëhet jo më vonë se 48 orë. Ndryshimet aty të çojnë. Askund tjetër. Ne vijuam verifikimin me përmbajtjen e urdhrit. Nuk kishte dallim vetëm këtu”, tha Dervishaj.

Kujtojmë se sot Gjykata Kushtetuese përmbylli shqyrtimin gjyqësor në lidhje me vendimin e Kuvendit për shkarkimin nga detyra të Presidentit të Republikës Ilir Meta. Tashmë trupa është tërhequr për vendim.

Gjykata Kushtetuese ka një muaj afat për të zbardhur vendimin përfundimtar, kjo duke llogaritur nga data kur do të nxjerrë edhe dispozitivin e saj. Pas seancës së zhvilluar, përfaqësuesi ligjor i Metës, Bledar Dervishaj tha se Kreu i Shteti po shqyrton mundësinë që të bëjë një kallëzim penal ndaj zyrtarëve të Kuvendit që sipas tij kanë falsifikuar aktet me qëllimin e vetëm për të dëmtuar Presidentin e Republikës dhe për të arritur shkarkimin e tij.