Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

‘Shkatërrohet’ banda shqiptare në Athinë, drejtohej nga një grua

Politiko 5 Maj 2023, 18:04

‘Shkatërrohet’ banda shqiptare në Athinë, drejtohej

Një bandë shqiptarësh, të cilët kryenin vjedhje në banesa të ndryshme në Atikë, është shkatërruar një ditë më parë nga autoritetet vendase në një operacion special gjatë të cilit u arrestuan 6 persona.

Ndaj të arrestuarve është ngritur akuza për organizatë kriminale, raste vjedhjeje ku vlera totale e sendeve të vjedhura kalon shumën 120.000 euro, pastrim parash nga veprimtari kriminale, dhuna ndaj punonjësve, si dhe për shkelje të ligjeve për armët dhe drogën.

Në dosje janë përfshirë edhe tre anëtarë të tjerë të grupit kriminal, të cilët janë identifikuar dhe janë në kërkim. Nga hetimet policore, deri më tani janë zbuluar 20 raste vjedhjesh.

Sipas ELAS-it, të pandehurit, aktivë që prej majit 2022, kanë vëzhguar fillimisht objektivat e tyre një ditë më parë nga këmbësorët që lëviznin rreth tyre, për të hartuar një plan veprimi dhe për të siguruar arratisjen e tyre në kohë. Në orët e pasdites ose të mbrëmjes, ata u afroheshin shtëpive që kishin synuar, me një makinë, e cila zakonisht merrej me qira dhe vazhdonin të depërtonin duke thyer xhamat apo dyert e ballkonit. Sipas ELAS-it, të pandehurit nuk hoqën dorë nga përpjekjet edhe nëse binte alarmi.

Në funksionimin e bandës, rol kryesor ka luajtur një grua, e cila duke përfituar nga fakti se nuk ishte e shënuar, i kanalizonte mallin e vjedhur në dyqane pengjesh, për të mbledhur paratë dhe për t’ia shpërndarë anëtarëve të bandës.

Në kontrollet e shtëpive janë gjetur dhe sekuestruar: pistoletë me karikator dhe 6 fishekë, jelek antiplumb, 40 ora të markave të njohura, 28 palë vathë, 39 unaza, 9 byzylykë, 36 gjerdan, varëse dhe zinxhirë floriri, 3 çanta dizajner, 6795 euro, 20 celularë, 3 thika, 0.7 gram kanabis të papërpunuar, 2 makina dhe 1 motoçikletë.

Të arrestuarit do të dërgohen në Prokurorinë Penale të Athinës.

Të fundit