Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Shkoi në një aktivitet të Ramës i paftuar, Policia shoqëron me forcë ish-deputetin Eduart Ndocaj
Ish-deputeti Eduard Ndocaj është shoqëruar nga Policia e Lezhës pas një incidenti të ndodhur në një aktivitet përurimi.
Mësohet se, Ndocaj është shoqëruar me forcë nga efektivët me pretendimin se ka shkuar i paftuar në përurimin e shtëpisë së muze të Gjergj Fishtës, aktivitet në të cilin do të marrë pjesë edhe kryeministri Rama.
Ngjarja ndodhi pasi kanë qenë vetë punonjësit e gardës që e kanë lejuar atë të futet brenda. Pas një përplasje me Shefin e Rendit në policinë e Lezhës, Agron Qullhaj, ish-deputeti është shoqëruar me forcë jashtë ambienteve të aktivitetit dhe më pas larguar me furgon nga Policia.
Bëhet me dije se ish-deputeti, i njohur ndryshe si “kaubojsi”, nuk është i vetmi person i përplasur me policinë. Ndërkaq, në aktivitet lejohen një numër tepër i kufizuar personash, nuk janë lejuar gazetarët dhe shumë qytetarë të tjerë janë kthyer pas.
Shtëpia e Fishtës do të inagurohet sot, në ditën e tij të lindjes, pasi iu nënshtrua një restaurimi. Në këtë ceremoni kanë ardhur edhe qytetarë nga diaspora për të marrë pjesë, por që nuk do të lejohen. Aktiviteti i parashikuar të nisë në prën 10:30 minuta, është shtyrë për pak kohë deri në mbërritjen e kryeministrit Rama.