Flash News

“Ndërkombëtarët nuk më thanë 'mos bëj zgjedhje'”, Kurti: Ndërtesat e komunave i përkasin Kosovës

Kompensim i dyshimtë 1.2 mln euro, lihet i lirë ish-sekretari i Ministrisë së Financave

Mbyllja e Albanologjisë qokë për Gjinushin? Gazetarja “zë ngushtë” Kushin

Qeveria miraton shkrirjen e Akademisë së Studimeve Albanologjike

“Nuk kanë det dhe kokat nxehen”, Rama komenton situatën në Kosovë: Ushtria serbe ka fuqi zero

E-TJERA

Shkoi ilegalisht në Britani dhe punoi në 3 ‘shtëpi bari’, dënohet me burg 28-vjeçari shqiptar

Politiko 23 Mars 2023, 20:47

Shkoi ilegalisht në Britani dhe punoi në 3 ‘shtëpi

Një emigrant shqiptar 28-vjeçar është arrestuar nga policia britanike, pasi u kap duke punuar në 3 ferma të mëdha kanabisi në shtëpitë në Leeds.

Sipas mediave britanike, gjurmët e gishtave të Ardjan Bashkurtit u gjetën në pronat ku rriteshin qindra bimë dhe përfundimisht u arrestua duke u dënuar me 2 vite heqje lirie.

Policia bastisi një pronë në Noëell Place në Harehills më 19 maj 2021, ku gjetën dhoma të kthyera për rritjen e bimëve të kanabisit. Gjithsej 227 bimë u gjetën, si dhe një gjurmë gishti. Më 23 shtator 2022 në Cross Flatts u gjetën 112 bimë dhe përsëri, të njëjtën gjurmë gishti.

Më në fund, më 10 janar të këtij viti, policia bastisi të njëjtën pronë në Noster Place ku u gjetën 60 bimë të tjera, së bashku me pajisjet e zakonshme të rritjes. Ata mundën të arrestonin Bashkurtin dhe konstatuan se shenjat e gishtave i përkisnin atij. Shqiptari rezulton pa precedente penale të mëparshme.

“Ai po ndiqte ëndrrën e tij në atë kohë për të ndihmuar ekonomikisht familjen, por ajo ëndërr u kthye në një makth. Ai kryente një funksion shumë të kufizuar dhe ishte nën presion. Ka një element shfrytëzimi,” tha avokati Shufqat Khan.

Ndërkohë, gjykatësi Ray Singh i tha Bashkurtit se duhej të merrte përgjegjësitë e veprimeve të tij.

“Kishte një nivel shfrytëzimi dhe cenueshmërie, por unë duhet të balancoj që ju e keni vendosur veten në atë pozicion,”- tha gjykatësi.

Të fundit